ডিজিটেল ডেস্ক: স্পেইনৰ আদালতে এজন প্ৰভাৱশালী ব্যক্তিক ২৫ বছৰ বিনা বেতনে ঘৰুৱা শ্ৰমৰ বাবে প্ৰাক্তন পত্নীক ২০০০০০ ইউৰো অৰ্থাৎ প্ৰায় এক কোটি ৮০ লাখ টকাৰ ধন দিবলৈ নিৰ্দেশ দিছে। এই ধনৰাশি আদালতে তেওঁৰ বিবাহৰ সময়ত কাম কৰাৰ নূন্যতম মজুৰিৰ ভিত্তিত নিৰ্ধাৰণ কৰিছে।
সংবাদ সংস্থা এ এফ পিৰ প্ৰতিবেদন অনুসৰি স্পেইনৰ দক্ষিণ আন্দালুছিয়াৰ এখন আদালতে এই সিদ্ধান্ত লৈছে। ৰায়দান দিওঁতে আদালতে কয় যে ব্যক্তিজনে বিয়াৰ পিছত বাৰ্ষিক মৌলিক দৰমহাৰ ভিত্তিত অতি সোনকালে এই ধনৰাশি পত্নীক দিব লাগিব। ৰায়দানৰ প্ৰতিলিপি দেশৰ আগশাৰীৰ বাতৰি কাকততো প্ৰকাশ পাইছে। যি দম্পতীৰ গোচৰত আদালতে এই ৰায় দিছে, তেওঁলোকৰ দুগৰাকী কন্যাও আছে। দুয়োজনেই সম্পত্তিভিত্তিক আইন অনুসৰি বিবাহপাশত আবদ্ধ হৈছিল, যাৰ অৰ্থ আছিল যে তেওঁলোক দুয়োয়ে যি উপাৰ্জন কৰিব সেয়া তেওঁলোকৰ নিজৰ হ’ব। ইয়াৰ বাবেই পত্নীয়ে গোটেই জীৱন যিমানেই উপাৰ্জন কৰিলেও তাৰ ওপৰত অধিকাৰ কেৱল পত্নীৰহে থাকিব।
এই গোচৰৰ সৈতে জড়িত সকলো নথি-পত্ৰ ৭ মাৰ্চত আদালতত দাখিল কৰা হৈছিল। আদালতত ক্ৰছ ইকজামিনেচনৰ সময়ত পত্নীৰ অধিবক্তাই কয় যে তেওঁৰ ক্লায়েণ্টে বিয়াৰ পিছত ঘৰতে কাম কৰিবলৈ নিজকে উৎসৰ্গা কৰিছিল। যাৰ অৰ্থ আছিল ঘৰ আৰু পৰিয়ালৰ যত্ন লোৱা। আইনী কাগজত দেখুওৱা হৈছে যে ১৯৯৫ চনৰ জুনৰ পৰা ২০২০ চনৰ ডিচেম্বৰৰ ভিতৰত পত্নীয়ে যদি আন ঠাইত কাম কৰিলেহেঁতেন তেন্তে বছৰি কিমান উপাৰ্জন কৰিলেহেঁতেন?
ইয়াৰ সমান্তৰালকৈ আদালতে মহিলাগৰাকীৰ স্বামীক শিশুসকলৰ বাবে সুকীয়াকৈ শিশু যত্নৰ ভাট্টা দিবলৈ নিৰ্দেশ দিছে। আদালতৰ এই সিদ্ধান্তত সুখী মহিলাগৰাকীয়ে দেশৰ ন্যায়িক ব্যৱস্থাৰ প্ৰতি কৃতজ্ঞতা প্ৰকাশ কৰিছে।
Continue Reading
