ডিজিটেল ডেস্কঃ ভাগ্য যেতিয়া সুপ্ৰসন্ন হয় তেতিয়া কোনো বাধাই যেন ভাগ্যক ৰুধিব নোৱাৰে। বহুতেই জীৱনত কোটিপতি হোৱাৰ সপোন দেখে, আনকি ৰাতিটোৰ ভিতৰতে কোটিপতি হোৱাৰ সপোনো বহুতে দেখে। কিন্তু সকলোৰে ভাগ্যত সেয়া হৈ নুঠে।কেৰালাৰ এঘাৰগৰাকী মহিলাৰ কথাটো অৱশ্যে অলপ বেলেগ। এঘাৰগৰাকী মহিলাই ২৫০ টকাৰে ক্ৰয় কৰি লাভ কৰিছে ১০ কোটি টকা ।
কিন্তু এয়াই প্ৰথম বাৰৰ বাবে নহয়। তেওঁলোকে আগতেও লটাৰীত একেলগে টকা জিকিছিল। লটাৰী জিকা এঘাৰগৰাকী মহিলা পেছাত পৌৰ নিগমৰ কৰ্মচাৰী। তেওঁলোকে মালাপ্পুৰম জিলাৰ প্লাষ্টিক আৱৰ্জনা পৃথকীকৰণ বিভাগত কাম কৰে। কিন্তু তেওঁলোকে সেই কাম কৰি সামান্য উপাৰ্জনহে কৰে। কঠোৰ পৰিশ্ৰম কৰা স্বত্বেও তেওঁলোকে তেওঁলোকৰ প্ৰয়োজনীয়তা পূৰণ কৰিবলৈ আৰু অভাৱ দূৰ কৰিবলৈ সংগ্ৰাম কৰিবলগীয়া হৈছে।
সেয়ে তেওঁলোকে ভাগ্য ঘূৰাই পোৱাৰ আশাত সকলোৱে একেলগে লটাৰীৰ টিকট কাটিবলৈ সিদ্ধান্ত লৈছিল। এনেকৈয়ে এদিন সকলোৱে পইচা তুলি লটাৰীৰ টিকট এখন কিনিছিল। কি আচৰিত তেওঁলোকে ক্ৰয় কৰা লটাৰীৰ টিকট খনতেই ১০ কোটি টকাৰ পুৰস্কাৰটো আছিল। এতিয়া সকলোৱে টকাখিনি সমানে ভগাই লৈছে। এই ঘটনাৰ পিছতে তেওঁলোক অধিক আত্মবিশ্বাসী হৈ পৰিছে।
Continue Reading
