ডিজিটেল ডেস্কঃ এক নাৰকীয় ঘটনা পোহৰলৈ আহিছে উত্তৰ প্ৰদেশত । ৰাজ্য খনত এগৰাকী মহিলাই তেওঁৰ স্বামীক কুঠাৰেৰে হত্যা কৰি খালৰ পানীত পাঁচ টুকুৰাকৈ কাটি পেলাই দিয়াৰ ঘটনাই উত্তৰ প্ৰদাশত জোকাৰণিৰ সৃষ্টি কৰিছে। আৰক্ষীৰ জেৰাৰ সময়ত অভিযুক্ত মহিলাগৰাকীয়ে তেওঁৰ অপৰাধ স্বীকাৰ কৰিছে বুলি জানিব পৰা গৈছে।
৫৫ বছৰীয়া ৰাম পাল উত্তৰ প্ৰদেশৰ শিৱনগৰৰ বাসিন্দা আছিল। তেওঁৰ পত্নী দুলাৰো দেৱীয়ে আৰক্ষীৰ ওচৰত স্বীকাৰ কৰিছে যে তেওঁ তেওঁৰ স্বামীক হত্যা কৰিছে। তেওঁলোকৰ পুত্ৰ পুত্ৰ পাল তেওঁৰ পত্নী আৰু সন্তানৰ সৈতে ওচৰতে থাকে। কিছুদিন আগতে দুলাৰো ৰামৰ এজন বন্ধুৰ ঘৰলৈ গৈছিল। তাৰ পৰা উভতি অহাৰ পিছত তেওঁ তেওঁৰ পুত্ৰক কৈছিল যে ৰাম পালৰ কোনো সন্ধান নাই।
তদন্ত আৰম্ভ কৰাৰ পিছত আৰু সোধা-পোছা কৰি আৰক্ষীয়ে দুলাৰোক সন্দেহ কৰিছিল। তেওঁৰ অসংলগ্ন কথাবোৰে সন্দেহক তীব্ৰতৰ কৰি তুলিছিল। অভিযুক্ত মহিলাগৰাকীয়ে পিছত আৰক্ষীৰ ওচৰত স্বীকাৰ কৰে যে তেওঁ তেওঁৰ স্বামীক হত্যা কৰিছে। তাই কয় যে দেওবাৰে যেতিয়া তেওঁৰ স্বামী বিচনাত শুই আছিল তেতিয়াই তেওঁক ৰচীৰে বান্ধিছিল আৰু তেওঁৰ শৰীৰটো কুঠাৰেৰে কাটিছিল। পিছত দেহটো পাঁচটুকুৰাকৈ কাটি খালত পেলাই দিছিল। এই ঘটনাই সমগ্ৰ ৰাজ্য খনতে প্ৰতিক্ৰিয়াৰ সৃষ্টি কৰিছে। মহিলাগৰাকীয়ে কিয় তেওঁৰ স্বামীক হত্যা কৰিলে সেয়া এতিয়াও জানিব পৰা হোৱা নাই।
Continue Reading
