ডিজিটেল ডেস্কঃ মণিপুৰত হিংসা এতিয়াও অব্যাহত আছে। শেহতীয়াকৈ মণিপুৰত সংঘটিত হিংসাত্মক কাণ্ডত কমেও দুজন লোক নিহত আৰু ছয়জন আহত হোৱাৰ খবৰ পোহৰলৈ আহিছে। ইয়াৰ লগে লগে মণিপুৰত অস্থিৰতা অব্যাহত আছে।
বিষ্ণুপুৰ জিলাৰ ছটা ঘৰত অগ্নিসংযোগ কৰিছে দুৰ্বৃত্তই। আৰক্ষীয়ে জনোৱা মতে, ফৌগাকচাও ইখাই, কাংৱাই, হেইকোল আৰু তেৰাখংছাংবি অঞ্চলত আক্ৰমণকাৰীয়ে গুলীচালনা কৰাৰ ফলত দুজন সাধাৰণ নাগৰিক নিহত হোৱাৰ লগতে দুজন নিৰাপত্তাৰক্ষীকে ধৰি আন ৬ জন আহত হয়।
হেইকোল আৰু ফৌগাকচাও ইখাই অঞ্চলত অস্ত্ৰধাৰী আক্ৰমণকাৰীয়ে গুলীচালনা কৰা ফলত মঙলবাৰে বেয়াকৈ আঘাতপ্ৰাপ্ত হোৱা এজন গাঁৱৰ লোকে শুকুৰবাৰে আঘাতপ্ৰাপ্ত হৈ মৃত্যুক সাৱটি লয়।
বিষ্ণুপুৰ জিলাৰ ফৌগাকচাও ইখাই মানিং লেইকাইত আক্রমণকাৰীয়ে ছটাকৈ ঘৰ জ্বলাই দিয়ে৷ কেন্দ্ৰীয় বাহিনী আৰু আৰক্ষীয়ে ততাতৈয়াকৈ ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰে।
ৰাজ্যখনৰ পৰিস্থিতি এতিয়াও অস্থিৰ আৰু উত্তেজনাপূৰ্ণ যদিও নিয়ন্ত্ৰণত আছে বুলি এগৰাকী বিষয়াই জানিবলৈ দিয়ে। ৰাজ্যৰ আৰক্ষী আৰু নিৰাপত্তা বাহিনীয়ে এতিয়ালৈকে বিভিন্ন পাহাৰ আৰু উপত্যকা অঞ্চলত মুঠ ৩১১টা বাংকাৰ ধ্বংস কৰিছে।
ৰাজ্যখনৰ স্পৰ্শকাতৰ আৰু ভিতৰুৱা এলেকাত ৰাজ্যৰ আৰক্ষী আৰু নিৰাপত্তা বাহিনীয়ে তালাচী অভিযান চলাইছে।
Continue Reading
