ডিজিটেল ডেস্ক: দেশ কঁপোৱা মুম্বাইৰ তাজ হোটলৰ ভয়ংকৰ বোমা বিস্ফোৰণৰ সকৰুণ স্মৃতি আজিও মচ খোৱা নাই৷ ২০০৮ৰ ২৬ নৱেম্বৰৰ দিনটোতে ভাৰতৰ বিত্তীয় ৰাজধানী মুম্বাইক জোকাৰি যোৱা বিধ্বংসী সন্ত্ৰাসবাদী আক্ৰমণৰ আজি ১৫ বছৰ সম্পূৰ্ণ হ’ল।
সাধাৰণতে ‘২৬/১১’ বুলি কোৱা ১০জনীয়া সন্ত্ৰাসবাদীৰ সমন্বিত আক্ৰমণে মুম্বাইৰ ৰাজপথত হাহাকাৰময় পৰিস্থিতিৰ কৰিছিল আৰু দেশ তথা বিশ্বত আতংকৰ সৃষ্টি কৰিছিল।
লস্কৰ-ই-তৈবা (এলইটি) সন্ত্ৰাসবাদী গোটৰ সন্ত্ৰাসবাদীয়ে ২০০৮ৰ ২৬ নৱেম্বৰৰ নিশা মুম্বাই চহৰত প্ৰৱেশ কৰিছিল। চাৰি দিনৰ ভিতৰত তেওঁলোকে ১৬৬জন লোকক হত্যা কৰিছিল আৰু ৩০০জন আহত হৈছিল।
সৰ্বাধিক প্ৰভাৱৰ বাবে জৰীপ কৰাৰ পাছত লক্ষ্যবোৰ সাৱধানে বাছনি কৰিছিল সন্ত্ৰাসবাদী গোটটোৱে৷ সন্ত্ৰাসবাদীৰ দলটোৱে বাছনি কৰিছিল তাজ আৰু অবেৰয় হোটেল, ছত্ৰপতি শিৱাজী মহাৰাজ টাৰ্মিনাছ, নৰিমন হাউচৰ ইহুদী কেন্দ্ৰ আৰু লিওপোল্ড কেফে আদি৷ কিয়নো এই ঠাইবোৰত ইউৰোপীয়, ভাৰতীয় আৰু ইহুদীসকলে সঘনাই অহা-যোৱা কৰিছিল।
ছত্ৰপতি শিৱাজী টাৰ্মিনাছ ৰে’ল ষ্টেচনত হোৱা আক্ৰমণৰ ফলত জীয়াই থকা একমাত্ৰ পাকিস্তানী সন্ত্ৰাসবাদী মহম্মদ আজমল আমিৰ কাচভক গ্ৰেপ্তাৰ কৰাৰ সময়ত এলইটিৰ নজন সন্ত্ৰাসবাদী নিহত হয়। ২০১০ৰ মে’ মাহত কাচভক মৃত্যুদণ্ডৰ ৰায় প্ৰদান কৰা হয় আৰু দুবছৰ পাছত পুনে চহৰৰ সৰ্বাধিক সুৰক্ষা থকা কাৰাগাৰত ফাঁচী দিয়া হয়।
এই কৰুণ ঘটনাৰ দ্বাৰা এৰি যোৱা দাগবোৰ তেওঁলোকৰ (যিসকলে ইয়াক প্ৰত্যক্ষ কৰিছিল) সামূহিক স্মৃতিত এতিয়াও জীয়াই আছে আৰু তাৰ পাছত শিকা শিক্ষাবোৰ বিশ্বব্যাপী নিৰাপত্তাৰ বাবে গুৰুত্বপূৰ্ণ হৈ পৰিছে৷
Continue Reading
