ডিজিটেল ডেস্ক: এতিয়াও শান্ত হোৱা নাই মণিপুৰ৷ ৰাজ্যখনত এতিয়াও জ্বলি আছে বিক্ষোভৰ অগনি। ৰাজ্যখনত এটাৰ পাছত এটাকৈ সংঘটিত হৈ আছে বিক্ষিপ্ত ঘটনা।
শনিবাৰেও মণিপুৰত সংঘটিত হয় গুলীচালনাৰ ঘটনা। ৰাজ্যখনৰ কাংপোকবি জিলাত অচিনাক্ত বন্দুকধাৰী দলে এখন গাঁৱত আক্ৰমণ চলায়। পুৱতি নিশা সশস্ত্ৰ দলে হত্যা কৰে এজন গাঁওৰক্ষী স্বেচ্ছাসেৱকক।
সেই সময়ত পাহাৰীয়া গাঁওখনত পহৰা দিয়া স্বেচ্ছাসেৱকৰ সৈতে দুৰ্বৃত্তৰ গুলীয়াগুলী চলে। এই ঘটনাৰ পাছতে বিষ্ণুপুৰ আৰু কাংপোকবি জিলাত চেপা উত্তেজনাই বিৰাজ কৰিছে।
ইম্ফল উপত্যকাতো কিছু কিছু বিক্ষিপ্ত ঘটনা সংঘটিত হৈছে। আৰক্ষীয়ে দুৰ্বৃত্তক বিচাৰি তীব্ৰতৰ কৰিছে অভিযান। অৱশ্যে এতিয়ালৈকে কাকো গ্ৰেপ্তাৰ কৰিব পৰা নাই। ইয়াৰ কিছুদিন পূৰ্বে জিলাখনৰ হাৰাওথেল গাঁৱতো এজন IRB জোৱানসহ দুজন লোকক হত্যা কৰা হৈছিল।
Continue Reading
