২৯ আৰু ৩০ জুলাইত মণিপুৰ ভ্ৰমণ কৰিবলগীয়া বিৰোধী মিত্ৰজোঁট ইণ্ডিয়াৰ ২০ জনীয়া সাংসদৰ দলত থাকিব কোন কোন?

 জানিব পৰা মতে ইণ্ডিয়াৰ প্ৰতিনিধিৰ দলত থাকিব এইসকল সাংসদ- অধীৰ ৰঞ্জন চৌধুৰী (কংগ্ৰেছ), গৌৰৱ গগৈ (কংগ্ৰেছ), ৰাজীৱ ৰঞ্জন সিং (জেডি-ইউ), সুস্মিতা দেৱ(তৃণমূল কংগ্ৰেছ), কানিমোঝি কৰুণানিধি (ডিএমকে), সন্দোশ কুমাৰ পি. (চিপিআই), এ. এ. ৰহিম (চি.পি.আই.-এম.), অধ্যাপক মনোজ কুমাৰ ঝা (আৰ.জে.ডি.), জাভেদ আলী খান (এছ.পি.), মহুয়া মাঝি (জে.এম.এম.), পি.পি. মহম্মদ ফাইজাল (এন.চি.পি.), অনীল প্ৰসাদ হেজ (জে.ডি.-ইউ.), ই.টি.মহম্মদ বছিৰ (আই.ইউ.এম.এল.), এন.কে. প্ৰেমচন্দ্ৰন (আৰ.এছ.পি.), সুশীল গুপ্তা (আপ),অৰবিন্দ ৰবিকুমাৰ (আৰ.এছ.পি.), থিৰু থল থিৰুমাভালভান (ভিচিকে), জয়ন্ত সিং (আৰএলডি), ফুলো দেৱী নেতাম (আইএনচি) আদি। ইফালে সুস্মিতা দেৱকে ধৰি  তৃণমূল কংগ্ৰেছৰ (টিএমচি) কেইবাগৰাকীও  নেতা-নেত্ৰীয়ে মণিপুৰত এতিয়াও আছেই৷ টিএমচিৰ আন নেতাসকল হৈছে- ডেৰেক অ' ব্ৰায়ান, কল্যাণ বেনাৰ্জী, কাকলি দস্তিদাৰ আৰু দোলা সেন।

ইণ্ডিয়াৰ সাংসদসকলে ২৯ আৰু ৩০ জুলাইত দুদিনৰ বাবে মণিপুৰ ভ্ৰমণ কৰিব বুলি জানিব পৰা গৈছে। অৱশ্যে প্ৰতিনিধি  দলটোত কোন থাকিব তাৰ সম্পূৰ্ণ তালিকা এতিয়াও জানিব পৰা  হোৱা নাই। হিংসাপীড়িত মণিপুৰলৈ ইতিমধ্যে   টিএমচি আৰু কংগ্ৰেছৰ কেইবাগৰাকীও  নেতা আহিছে৷  এইবাৰ প্ৰথমবাৰৰ বাবে ইণ্ডিয়া এলায়েন্সৰ সাংসদসকলে  মণিপুৰ ভ্ৰমণ কৰিব।মণিপুৰত গোষ্ঠী  সংঘৰ্ষ আৰম্ভ হোৱাৰ পিছৰে পৰা বংগৰ মুখ্যমন্ত্ৰী মমতা বেনাৰ্জীকে ধৰি কেইবাগৰাকীও  বিৰোধী নেতাই মণিপুৰ ভ্ৰমণৰ ইচ্ছা প্ৰকাশ কৰিছে। টিএমচিৰ পাঁচগৰাকী নেতাই  মণিপুৰ ভ্ৰমণ কৰিছে৷ ৰাহুল গান্ধীয়েও মণিপুৰ ভ্ৰমণ কৰি   কেইবাটাও সাহায্য শিবিৰলৈ গৈছে আৰু দুৰ্দশাগ্ৰস্ত লোকসকলৰ সৈতে কথা পাতিছে।  

 বিৰোধীয়ে সংসদৰ বৰ্ষাকালীন  অধিৱেশনৰ আৰম্ভণিৰে পৰা মণিপুৰৰ বিষয়ত মাত মাতি আহিছে। অধিৱেশন আৰম্ভ হোৱাৰ আগতে বিৰোধী ইণ্ডিয়া  মিত্ৰজোঁটৰ এখন বৈঠকত মণিপুৰৰ বিষয়কলৈ  দীঘলীয়াকৈ আলোচনা কৰা হৈছিল। ইয়াৰ ঠিক পিছতে বংগৰ মুখ্যমন্ত্ৰী মমতা বেনাৰ্জীয়ে কৈছিল যে ইণ্ডিয়া মিত্ৰজোঁটৰ প্ৰতিনিধিৰ  এটা দলে মণিপুৰ ভ্ৰমণ কৰিব। বেনাৰ্জীয়ে মণিপুৰ ভ্ৰমণ কৰাৰ ইচ্ছা প্ৰকাশ কৰিছিল ৷

বিৰোধী দলৰ সূত্ৰই  প্ৰকাশ কৰা মতে  বিৰোধী দলৰ  সাংসদসকলে প্ৰথমে  মণিপুৰলৈ যাব। সাংসদসকল ২৯ জুলাইত মণিপুৰত উপস্থিত হ'ব। তেওঁলোক দুদিনৰ বাবে ৰাজ্যখনত থাকিব। ইণ্ডিয়া  মিত্ৰজোঁটত মুঠ ২৬ টা বিৰোধী দল আছে।