ডিজিটেল ডেস্কঃ বিজেপি-আৰ এছ এছক আক্ৰমণৰ লক্ষ্য কৰি ল’লে কংগ্ৰেছ নেতা ৰাহুল গান্ধীয়ে। বিজেপি-আৰ এছ এছক সমালোচনা কৰি ৰাহুল গান্ধীয়ে কয় যে তেওঁলোকে ক্ষমতাৰ বাবে মণিপুৰ আৰু সমগ্ৰ দেশকে 'জ্বলাই' দিব পাৰে।
ৰাহুলে কয় " বিজেপি-আৰ এছ এছে কেৱল ক্ষমতা বিচাৰে আৰু ক্ষমতা পাবলৈ যিকোনো কাম কৰিব পাৰে। ক্ষমতাৰ বাবে, তেওঁলোকে মণিপুৰ জ্বলাই দিব, তেওঁলোকে সমগ্ৰ দেশ জ্বলাই দিব। তেওঁলোকে দেশৰ দুখ আৰু বেদনাৰ বিষয়ে গুৰুত্ব নিদিয়ে," । ৰাহুল গান্ধীয়ে লগতে কয় যে হাৰিয়ানা, পঞ্জাৱ হওঁক বা উত্তৰ প্ৰদেশ হওঁক,তেওঁলোকে সমগ্ৰ দেশক 'বিক্ৰী' কৰিব, কিয়নো তেওঁলোকে কেৱল ক্ষমতা বিচাৰে। ৰাহুল গান্ধীয়ে পুনৰ কয় - বিজেপিয়ে য'তেই ঘৃণা বিয়পায়, তাতেই প্ৰেমৰ দোকান খোলা হ’ব।
বিৰোধীয়ে প্ৰধানমন্ত্ৰী নৰেন্দ্ৰ মোদীৰ পৰা সংসদত মণিপুৰৰ পৰিস্থিতি সন্দৰ্ভত এক বিবৃতি দাবী কৰি আহিছে৷বিৰোধী মিত্ৰজোঁট ইণ্ডিয়ান নেচনেল ডেভেলপমেণ্টেল ইনক্লুচিভ এলায়েন্স (ইণ্ডিয়া)ৰ সাংসদসকলে উত্তৰ-পূবৰ ৰাজ্যখনৰ পৰিস্থিতি মূল্যায়ন কৰিবলৈ ২৯ আৰু ৩০ জুলাইত মণিপুৰ ভ্ৰমণ কৰাৰ কথা আছে।
বিৰোধী মিত্ৰজোঁট ইণ্ডিয়াৰ সাংসদসকলৰ এটা প্ৰতিনিধিৰ দলে চলিত সপ্তাহতে মণিপুৰ ভ্ৰমণ কৰিব। ইণ্ডিয়াৰ সাংসদসকলে ২৯ আৰু ৩০ জুলাইত দুদিনৰ বাবে মণিপুৰ ভ্ৰমণ কৰিব বুলি জানিব পৰা গৈছে।
অৱশ্যে প্ৰতিনিধি দলটোত কোন থাকিব তাৰ সম্পূৰ্ণ তালিকা এতিয়াও জানিব পৰা হোৱা নাই। হিংসাপীড়িত মণিপুৰলৈ ইতিমধ্যে টিএমচি আৰু কংগ্ৰেছৰ কেইবাগৰাকীও নেতা আহিছে৷ এইবাৰ প্ৰথমবাৰৰ বাবে ইণ্ডিয়া এলায়েন্সৰ সাংসদসকলে মণিপুৰ ভ্ৰমণ কৰিব।
Continue Reading
