ডিজিটেল ডেস্কঃ এক পথ দুৰ্ঘটনাই কাঢ়ি নিলে এটা পৰিয়ালৰ কেইবাজনো লোকৰ জীৱন। চিকিৎসালয়ত এজন লোকৰ মৃত্যু হৈছিল। তেওঁৰ পত্নী আৰু চাৰি কন্যাই এখন এম্বুলেন্সেৰে মৃতদেহটো লৈ ঘৰলৈ উভতি আহিছিল। কিন্তু ঘৰ পোৱাৰ পূৰ্বোেই বিপৰীত দিশৰ পৰা আহি থকা এখন গাড়ীয়ে এম্বুলেন্সখনত প্ৰচণ্ড জোৰেৰে খুন্দা মাৰে।
ফলত এম্বুলেন্সখন দুটুকুৰা হৈ পৰে। দুৰ্ঘটনাটোত চিকিৎসালয়ত মৃত্যু ঘটা লোক জনৰ পত্নী আৰু তেওঁৰ তিনি কন্যাৰ মৃত্যু ঘটে। ঘটনাটো শুক্ৰবাৰে উত্তৰ প্ৰদেশৰ উন্নাওত সংঘটিত হৈছে।আৰক্ষীয়ে জনোৱা অনুসৰি, পৰিয়ালটো কানপুৰৰ পৰা মোৰাবালৈ গৈ আছিল। এম্বুলেন্সখন পুৰবা আৰক্ষী থানাৰ অন্তৰ্গত তুচৰাউৰ গাঁৱৰ ওচৰত এখন গাড়ীৰ সৈতে মুখামুখী সংঘৰ্ষত লিপ্ত হয়। দুৰ্ঘটনাটো ইমানেই ভয়ংকৰ আছিল যে এম্বুলেন্সখন মাজতে দুটুকুৰা হৈ পৰিছিল। এম্বুলেন্সখনত থকা চাৰিজন যাত্ৰীৰ ঘটনাস্থলীত মৃত্যু ঘটে। অৱশ্যে সৌভাগ্যক্ৰমে চালকজন বাচি যায়। মুখ্যমন্ত্ৰী যোগী আদিত্যনাথে ঘটনাটোত গভীৰ শোক প্ৰকাশ কৰিছে।
আৰক্ষীয়ে প্ৰকাশ কৰা মতে ধনীৰাম নামৰ লোকজনক কানপুৰৰ এখন ব্যক্তিগত চিকিৎসালয়ত ভৰ্তি কৰোৱা হৈছিল। বৃহস্পতিবাৰে নিশা তেওঁৰ মৃত্যু হয়। ধনীৰামৰ পত্নী আৰু চাৰি কন্যাই তেওঁৰ শৰীৰটো আনিবলৈ গৈছিল। দুৰ্ঘটনাটোত ধনীৰামৰ পত্নী প্ৰেমা (৭০), তিনিগৰাকী কন্যা মঞ্জুলা (৪৫), অঞ্জলি (৪০) আৰু ৰুচি (৩০) নিহত হয়। আন এগৰাকী কন্যা সুধাক চিকিৎসালয়ত ভৰ্তি কৰোৱা হৈছে।তেওঁৰ অৱস্থাও সংকটজনক বুলি জানিব পৰা গৈছে।
Continue Reading
