ডিজিটেল ডেস্ক
অৱশেষত বিয়াত বহিল ২.৫ ফুট উচ্চটাৰ আজিম মনছুৰী৷ কইনা ৩ ফুট উচ্চতাৰ বুশৰা৷ শাৰিৰীক উচ্চতাক নেওচি দুয়োৰে প্ৰেমে স্পৰ্শ কৰক আকাশ৷
বিবাহৰ বাবে উপযুক্ত বয়স পাৰ কৰাৰ পিছতো পাত্ৰী বিচাৰি পোৱা নাছিল আজিমে৷ আজিম মনছুৰীৰ বিবাহক লৈ যথেষ্ট বিতৰ্কৰ সৃষ্টি হৈছে৷ ২০১৯ চনত আজিম মনছুৰীয়ে বিয়াৰ পাত্ৰী বিচাৰি থানাৰ কাষ চাপিছিল। আনকি প্ৰাক্তন মুখ্যমন্ত্ৰী অখিলেশ যাদৱকো নিজৰ বাবে পত্নী বিচাৰি উলিয়াবলৈ অনুৰোধ জনাইছিল আজিম মনছুৰীয়ে৷
আৰু অৱশেষত আজিম মনছুৰীৰ বিবাহ সম্পন্ন হোৱাত স্বাভাৱিকতেই যথেষ্ট সুখী হৈ পৰিছে সকলো৷ প্ৰায় ২৫ লোকে বৰযাত্ৰী ৰূপে আজিমৰ বিবাহ অনুষ্ঠানত অংশ লৈছিল৷
লিটিল ষ্টাৰ খ্যাত আজিমৰ কইনা বুশৰা ইউ পিৰ হাপুৰ জিলাৰ বাসিন্দা বুশৰাৰ উচ্চতা ৩ ফুট। শ্বেৰৱানী-পাগুৰি পিন্ধা আজিমক তেওঁৰ বিশেষ দিনটোত যথেষ্ট সুখী হৈ পৰা দেখা গৈছিল৷ আজিমৰ আনন্দ দেখি পৰিয়ালৰ লোকসকলো সুখী হৈ পৰিছিল৷ জানিব পৰা মতে, বিয়াৰ পিছতেই পত্নীৰ সৈতে মক্কালৈ হজ কৰিবলৈ যাব আজিম মনছুৰী৷
Continue Reading
