ডিজিটেল ডেস্কঃ সৰলতা মানুহৰ প্ৰধান অলংকাৰ। সহজ-সৰল, বিনয়ী মানুহে সহজতে মানুহৰ হৃদয়ত স্থান দখল কৰে। সহজ-সৰল আৰু বিনয়ী মনোভাৱেৰে মানুহৰ মনত স্থান দখল কৰা এগৰাকী নাৰী হ’ল সুধা মূৰ্তি। সুধা মূৰ্তি হৈছে 'Infosys'ৰ সংস্থাপক। বিশ্বখ্যাত নাৰায়ণ মূৰ্তি তেওঁৰ স্বামী। সুধা মূৰ্তিৰ জোঁৱাই ঋষি সুনক ইংলেণ্ডৰ প্ৰাক্তন প্ৰধানমন্ত্ৰী।
সুধা মূৰ্তি বহু প্ৰতিভাসম্পন্ন মহিলা আৰু বিশ্বৰ শক্তিশালী নাৰীসকলৰ ভিতৰত অন্যতম হিচাপে পৰিচিত। কিন্তু সুধা মূৰ্তি যিটোৰ বাবে আটাইতকৈ বেছি পৰিচিত সেয়া হ’ল তেওঁৰ নম্ৰতা আৰু বিনয়।
ৰাজ্যসভাৰ সাংসদ তথা অভিযন্তা সুধা মূৰ্তিয়ে এক সাক্ষাৎকাৰত প্ৰকাশ কৰিছে যে তেওঁ ৩০ বছৰে এখনো শাৰী ক্ৰয় কৰা নাই। ইয়াৰ কাৰণ হৈছে কাশী ভ্ৰমণ। সুধা মূৰ্তিয়ে কয়, "কোৱা হয় যে কাশীলৈ গ'লে নিজৰ ভাললগা কিবা ত্যাগ কৰিব লাগে। শ্বপিং কৰি মই ভাল পাইছিলোঁ, সেয়ে গংগা মাক প্ৰতিশ্ৰুতি দিছিলোঁ যে মই গোটেই জীৱন শ্বপিং নকৰো। উল্লেখ্য যে ৩০ বছৰৰো অধিক সময় ধৰি উপহাৰ হিচাপে পোৱা শাৰীকেইখন পিন্ধি আহিছে সুধাই।
সুধা মূৰ্তি প্ৰায় ৩ হাজাৰ কোটি টকা সম্পত্তিৰ গৰাকী। 'পদ্মশ্ৰী','পদ্মভূষণ' সন্মানেৰে জীৱন মহীয়ান হোৱা সুধা মূৰ্তি এগৰাকী অভিযান্ত্ৰিক শিক্ষক, সমাজকৰ্মী, লেখিকা আৰু চিন্তাবিদো। এনে এগৰাকী মহিলাৰ এই ত্যাগে সকলোতে চৰ্চা লাভ কৰিবলৈ সক্ষম হৈছে।
Continue Reading
