ডিজিটেল ডেস্কঃ 'নব্য-ভাৰত'ক ন-ৰূপত সজাবৰ বাবে অংগীকাৰবদ্ধ মুকেশ আম্বানী৷ৰিলায়েন্স ইণ্ডাষ্ট্ৰীজ লিমিটেডৰ অধ্যক্ষ মুকেশ আম্বানীয়ে কয় যে ২০৪৭ চনৰ ভিতৰত ভাৰতক ৩৫ ট্ৰিলিয়ন ডলাৰৰ অৰ্থনীতি হোৱাৰ পৰা একোৱেই বাধা দিব নোৱাৰে আৰু কেৱল গুজৰাটেই ৩ ট্ৰিলিয়ন ডলাৰৰ অৰ্থনীতি হ’ব বুলি আম্বানী আত্মবিশ্বাসী বুলি দাবী কৰে।
২০২৪ চনৰ ভাইব্ৰেণ্ট গুজৰাট শীৰ্ষ সন্মিলনত এই মন্তব্য কৰে ৬৬ বছৰীয়া কোটিপতি উদ্যোগপতিগৰাকীয়ে।
আম্বানীয়ে গুজৰাটৰ বিকাশৰ দিশত ৰিলায়েন্সৰ অৱদানৰ ওপৰত আলোকপাত কৰে।আম্বানীয়ে কয় যে সমগ্ৰ ভাৰততে বিশ্বমানৰ সম্পত্তি আৰু সামৰ্থ সৃষ্টিৰ ক্ষেত্ৰত সংঘবদ্ধ সংস্থাটোৱে ১২ লাখ কোটি টকাৰ বিনিয়োগৰ এক তৃতীয়াংশ গুজৰাটত হৈছে।
ৰিলায়েন্সৰ মুৰব্বীগৰাকীয়ে গুজৰাট সন্দৰ্ভত কেইবাটাও প্ৰতিশ্ৰুতিৰ ৰূপৰেখা দাঙি ধৰি কয় যে সংঘবদ্ধ সংস্থাটোৱে “অহা দহ বছৰত উল্লেখযোগ্য বিনিয়োগেৰে গুজৰাটৰ বিকাশৰ কাহিনীত অগ্ৰণী ভূমিকা পালন কৰি যাব”।
আম্বানীয়ে আৰু কয় যে ৰিলায়েন্সে গুজৰাটক সেউজ শক্তিৰ বৃদ্ধিৰ ক্ষেত্ৰত বিশ্বৰ আগশাৰীৰ দেশ হিচাপে গঢ়ি তোলাত অৰিহণা যোগাব।আম্বানীয়ে কয়, ‘২০৩০ চনৰ ভিতৰত আমি গুজৰাটৰ শক্তিৰ প্ৰয়োজনীয়তাৰ আধা অংশ নবীকৰণযোগ্য শক্তিৰ জৰিয়তে পূৰণ কৰাত সহায় কৰিম।’
উল্লেখ্য যে, মুকেশ আম্বানীৰ উপৰিও অসংখ্য বিশ্বৰ বিশিষ্ট উদ্যোগপতি, আৰু শীৰ্ষ মুখ্য কাৰ্যবাহী বিষয়াই গুজৰাট ভাইব্ৰেণ্ট ছামিট ২০২৪ত শোভা বঢ়াইছিল।অনুষ্ঠানৰ সময়ত প্ৰধানমন্ত্ৰী নৰেন্দ্ৰ মোদীয়ে অৰ্থনৈতিক বিকাশৰ প্ৰতি নিজৰ সমৰ্পণ পুনৰ দৃঢ় কৰে৷
Continue Reading
