ডিজিটেল ডেস্কঃ বলীউডৰ মহানায়ক অমিতাভ বচ্চনে আজি ৮০ বছৰত ভৰি দিলে। অমিতাভৰ এই বিশেষ দিনটোত আমি আপোনালোকক তেওঁৰ সৈতে জড়িত এটা বিশেষ কথা ক’বলৈ ওলাইছো। অমিতাভ আৰু ৰেখাৰ প্ৰেম কাহিনীৰ বিষয়ে সকলোৱে নিশ্চয় জানে। এসময়ত দুয়োৰে যুটিটো দৰ্শকে বহুত ভাল পাইছিল।
উল্লেখ্য যে ৰেখাৰ জন্মদিন ১০ অক্টোবৰ আৰু অমিতাভ বচ্চনৰ জন্মদিন ১১ অক্টোবৰ। ৰেখাক শেষবাৰৰ বাবে দেখা গৈছিল অমিতাভৰ সৈতে ‘চিলচিলা’ ছবিখনত। ১৯৮১ চনত পৰিচালক যশ চোপ্ৰাই নিৰ্মাণ কৰিছিল এই ছবিখন। এই ছবিখনৰ পাছতে দুয়োজনে এতিয়ালৈকে একেলগে কাম কৰা নাই। ইয়াৰ আঁৰৰ কাৰণ কি জানো আহক।
প্ৰায় ৪০ বছৰ হ’ল ‘চিলচিলা’ ছবিখনৰ। এই সুদীৰ্ঘ সময়ে অমিতাভ আৰু ৰেখাই ইমান দিনে একেলগে কাম কৰা নাই। এক সাক্ষাৎকাৰৰ সময়ত স্বয়ং অমিতাভ বচ্চনে প্ৰকাশ কৰিছিল যে তেওঁ যোৱা ৪০ বছৰে ৰেখাৰ সৈতে কিয় কাম কৰা নাই। অমিতাভে কৈছে যে যদি কিবা ভাল চিত্ৰনাট্য বনোৱা হয় তেতিয়া ৰেখাৰ সৈতে তেওঁ নিশ্চয় কাম কৰিব। এতিয়ালৈকে তেনে চিত্ৰনাট্য প্ৰস্তুত নোহোৱা বাবেহে দুয়ো একেলগে কাম কৰা নাই।
অমিতাভক যেতিয়া সোধা হৈছিল যে ৰেখাৰ সৈতে অভিনয় কৰিবলৈ সাজু নে? এই প্ৰশ্নটো শুনি অমিতাভ বচ্চনে অতি সৰলতাৰে ‘হয়’ বুলি উত্তৰ দিছিল।
‘বিবিচি’ক দিয়া এক সাক্ষাৎকাৰত যশ চোপ্ৰাই অমিতাভ আৰু ৰেখাৰ সম্পৰ্কৰ বিষয়ে প্ৰকাশ কৰিছিল। তেওঁ কৈছিল যে ৰেখা আৰু অমিতাভৰ মাজত ‘চিলচিলা’ ছবিখনৰ পূৰ্বেই সম্পৰ্ক আছিল। যশ চোপ্ৰাই কৈছিল, ‘চিলচিলা’ ছবিখনৰ সময়ত মই ভয় খাইছিলোঁ, কাৰণ তেওঁৰ বাস্তৱ জীৱনটো ৰিল লাইফলৈ পৰিণত হ’বলৈ ওলাইছিল। চিনেমাখনত জয়া তেওঁৰ পত্নী আৰু ৰেখা তেওঁৰ প্ৰেমিকা আৰু বাস্তৱ জীৱনতো একে কাহিনী চলি আছিল।
উল্লেখ্য যে ১৯৭৩ চনৰ ৩ জুনত অমিতাভ বচ্চন আৰু জয়াৰ বিবাহ হৈছিল। এই বৈবাহিক সম্পৰ্কত দুয়ো বহুতো উত্থান-পতন দেখিছিল যদিও এতিয়াও দুয়ো একেলগে আছে। দুয়োৰে প্ৰেম কাহিনী আৰু বিবাহ ৰাইজৰ বাবে প্ৰেৰণা।
Continue Reading
