ডিজিটেল ডেস্কঃ বয়স মাথোঁ এটা সংখ্যা। মনোবল, ইচ্ছাশক্তি আৰু সাহস থাকিলে যিকোনো বয়সতে যিকোনো প্ৰত্যাহ্বান গ্ৰহণ কৰিব পাৰি। তাকেই যেন হৰিদ্বাৰৰ ৭০ বছৰীয়া এগৰাকী বৃদ্ধাই পুনৰ প্ৰমাণ কৰিলে। হৰিদ্বাৰৰ হৰ কী পৌৰী দলঙৰ পৰা ‘তৰুণ’ বৃদ্ধাগৰাকীয়ে জঁপিয়ায় গংগা নৈত। কেৱল জঁপিওৱাই নহয়, সাঁতোৰ মৰাও দেখিবলৈ পোৱা গ’ল তেওঁক। এক কথাত ক’বলৈ গ’লে বৃদ্ধা বয়সত এক অনাকাংক্ষিত, দৃষ্টিনন্দন সমৰকলাৰ চমক।
অশোক বসোয়া নামৰ এগৰাকী ব্যক্তিয়ে ছ’চিয়েল মিডিয়াত শ্বেয়াৰ কৰিছিল এই ভিডিঅ’টো। কেপচনত বৃদ্ধাগৰাকীয়ে লিখিছে, ‘আইতাৰ জাঁপ’; তাৰ পিছত ভাইৰেল হৈ পৰিল ভিডিঅ’টো। নেটিজেনে বৃদ্ধাগৰাকীৰ এনে দুঃসাহসিক ক্ৰীড়াৰ শ’লাগ লৈছে, জনাইছে অভিবাদন। সন্মান জনাইছে বৃদ্ধাগৰাকীৰ নিৰ্ভীক মানসিকতাক। যিটো সময়ত সাধাৰণতে এই বয়সৰ বৃদ্ধাসকলে ঘৰতে জিৰণি ল’বলৈ পছন্দ কৰে, সেইসময়তে হৰিদ্বাৰৰ এই ভাইৰেল ভিডিঅ’টোৰ যোগেদি বৃদ্ধাগৰাকীয়ে দিছে নতুন সাহস।
Continue Reading
