ডিজিটেল ডেস্কঃ মহাৰাষ্ট্ৰৰ নন্দেডৰ চৰকাৰী চিকিৎসালয় মৃ্ত্যুৰ কাৰখানা হৈ পৰিছে। দেওবাৰে নিশাৰ পৰা সোমবাৰৰ পুৱাৰ ভিতৰত ২৪জন লোকৰ মৃত্যু হৈছিল। সোমবাৰে নিশা ৭ জন লোকৰ মৃত্যু হয়। যোৱা ৪৮ ঘণ্টাত নন্দদৰ এই চৰকাৰী চিকিৎসালয়ত ৩১ জন লোকৰ মৃত্যু হৈছে। ইয়াৰে অধিকাংশই শিশু।
সোমবাৰে নন্দেড চৰকাৰী চিকিৎসালয়ত ২৪ জন লোকৰ মৃত্যু হয়। ইয়াৰে ১২ জন শিশু। ২৪ ঘন্টাৰ ভিতৰতে ইমানবোৰ মানুহৰ মৃত্যু পোহৰলৈ অহাৰ লগে লগে সমগ্ৰ ৰাজ্যই স্তম্ভিত হৈ পৰিল। সেই মৃত্যুৰ কেইঘণ্টামানৰ পাছত মঙলবাৰে আৰু ৭ জন লোকৰ মৃত্যু হোৱাৰ ফলত চিকিৎসালয়খনৰ বিৰুদ্ধে চিকিৎসাৰ গাফিলতিৰ অভিযোগ বৃদ্ধি পায়।
অৱশ্যে চিকিৎসালয়খনৰ ডীন ডাঃ শ্যামেও ৱাকোড়ে-ই চিকিৎসাৰ গাফিলতিৰ কথা অস্বীকাৰ কৰে। তেওঁ কয় যে চিকিৎসালয়খনত চিকিৎসক, ঔষধ আৰু সেৱাৰ অভাৱ নাই। মৃত্যু হোৱা সকলক সেই অনুসৰি চিকিৎসা কৰা হৈছিল। কিন্তু তাৰ পিছতো তেওঁ সেই চিকিৎসাৰ প্ৰতি কোনো সঁহাৰি নিদিলে।
ডিনে আৰু দাবী কৰে যে মৃত্যু হোৱা লোকসকলৰ ভিতৰত ১২ জন প্ৰাপ্তবয়স্ক। তেওঁলোকৰ বিভিন্ন শাৰীৰিক সমস্যা আছিল। ইয়াৰ বাহিৰেও অধিকাংশই সাপে কামোৰাৰ বাবে চিকিৎসালয়ত ভৰ্তি হৈছিল।
চৰকাৰৰ এগৰাকী শীর্ষ বিষয়াই কয় যে ইমানবোৰ লোকৰ মৃত্যু কেনেকৈ হ’ল সেই সন্দর্ভত তদন্ত সমিতি গঠন কৰা হৈছে৷ চিকিৎসা শিক্ষা আৰু গৱেষণাৰ সঞ্চালক ডাঃ দিলীপ মহিষেকৰে পিটিআইৰ আগত কয় যে, "৩ জনীয়া এখন বিশেষজ্ঞ সমিতি গঠন কৰা হৈছে।" মই নিজেই হস্পিতাললৈ গৈ পৰিস্থিতিৰ বুজ লৈছিলো।”
মুখ্যমন্ত্ৰী একনাথ শিণ্ডে এই ঘটনাক অতি দুৰ্ভাগ্যজনক বুলি অভিহিত কৰিছে। এই ঘটনা কিয় সংঘটিত হ’ল সেই সন্দৰ্ভত পুংখানুপুংখ তদন্ত হ’ব বুলি তেওঁ আশ্বাস দিয়ে। কংগ্ৰেছৰ সভাপতি মল্লিকাৰ্জুন খাৰ্গে ঘটনাৰ সম্পূৰ্ণ তদন্তৰ দাবী জনায়। ঘটনাটো অতি বেদনাদায়ক আৰু চিন্তনীয় বুলিও তেওঁ কয়।
Continue Reading
