৪বিধ খাদ্য নিশা খালে শৰীৰ হয় ৰুগীয়া! শৰীৰত বিহৰ দৰে কাম কৰে, সবিশেষ জানো আহক

 ডিজিটেল ডেস্ক : বিশেষজ্ঞসকলৰ মতে এই ৪বিধ খাদ্য নিশা খালে শৰীৰ হয় ৰুগীয়া! শৰীৰত বিহৰ দৰে কাম কৰে এইকেইবিধ খাদ্যই, জানি লওক কি কি খাদ্য নিশা খোৱা অনুচিত। স্বাস্থ্য আৰু সৌন্দৰ্য্য সম্পৰ্কীয় বিভিন্ন পৰামৰ্শ আয়ুৰ্বেদত দিয়া হৈছে যিবোৰ সুস্থ হৈ থাকিবলৈ গ্ৰহণ কৰা হয়। বিশেষজ্ঞসকলৰ মতে এইকেইবিধ খাদ্য নিশা খালে শৰীৰত বিহৰ দৰে কাম কৰে। সবিশেষ জানো আহক।

কলঃ-আয়ুৰ্বেদৰ মতে নিশা কল খালে স্বাস্থ্যৰ অৱনতি ঘটাব পাৰে। নিশা কল খালে শ্লেষ্মা উৎপাদন বৃদ্ধি হোৱাৰ লগতে ডিঙিত কফ জমা হ’ব পাৰে। ইয়াৰ উপৰি নিশা হজম কৰাত অসুবিধা হ’ব পাৰে।

তিঁয়হ:-তিঁয়হত ৯৫ শতাংশতকৈ অধিক পানী থাকে। তিঁয়হ খালে বহু সময়লৈকে ভোক অনুভৱ নহয়। কিন্তু নিশা তিঁয়হ খোৱাৰ পৰা বিৰত থাকিব লাগে কাৰণ ই টোপনিত ব্যাঘাত জন্মায় আৰু পেট ফুলাৰ কাৰণ হ’ব পাৰে।

বিলাহীঃ-বিলাহীত টাইৰামিন নামৰ এবিধ এমিনো এচিড পোৱা যায়, যাৰ ফলত মগজুৰ কাৰ্যকলাপ বৃদ্ধি পায় আৰু টোপনি বিঘিনি ঘটে। নিশা বিলাহী সেৱন কৰিলে টোপনি অহাত অসুবিধা হ’ব পাৰে। নিশা হজম কৰাটো কঠিন আৰু ইয়াৰ ফলত এচিডিটি হ’ব পাৰে।

দৈ:-বিশেষজ্ঞসকলৰ মতে দৈ স্বাস্থ্যৰ বাবে অতি উপকাৰী যদিও নিশা সেৱন কৰাটো পৰিহাৰ কৰিব লাগে। কাৰণ দৈৰ প্ৰভাৱ গৰম আৰু হজম হ’বলৈ সময় লাগে। সেইবাবেই নিশা দৈ খোৱাটো অনুচিত।