ডিজিটেল ডেস্কঃ হাতৰ আখৰত মানুহ এজনৰ ব্যক্তিত্ব ফুটি উঠে৷ সকো মানুহৰে আখৰ একে নহয়৷ দৰাচলতে মগজুৰ নিৰ্দেশতহে আমাৰ হাত খনে আখৰ লিখি যায়৷ সেয়ে হাতৰ আখৰত মানুহ এজনৰ সেই সময়ৰ মানসিক স্থিতিৰ কথাও ভালে খিনি প্ৰকাশ পায়৷
যদি আখৰ লিখোতে সোঁফালে সামান্য হেলনীয়া যেন হয় তেন্তে তেনে আখৰ লিখা লোকসকল সদায় ইতিবাচক মনৰ হয়৷ আনহাতে আখৰ লিখোতে যদি বাওঁফালে হালি গৈ থাকে তেন্তে সেয়া নেতিবাচক চিন্তাৰ প্ৰতিফলন৷ আমি সচৰাচৰ কাগজ বা বোৰ্ডত বাওঁফালৰ পৰা সোঁফাললৈ আখৰ লিখি যাওঁ৷ কিন্তু তেনেদৰে লিখা আখৰ যদি বাওঁফালেই হালি যায়(যিফালৰ পৰা লিখা আৰম্ভ হয়) তেন্তে সেয়া লোক এজনৰ বাবে চিন্তাৰ কাৰণ৷
এনেদৰে বাওঁফালে আখৰ হালি যোৱা লোকসকলৰ মনত অনৱৰতে এক নিচাত্মিকাবোধে ক্ৰিয়া কৰে৷ তেওঁলোকে সহজে আনৰ সৈতে মিল নোৱাৰে৷ সোঁতৰ বিপৰীতে চিন্তা কৰে৷ প্ৰৱঞ্চনাৰ ঘটনা যেনে বেংক জালিয়াতি বা আন যিকোনো অপৰাধৰ অনুসন্ধানতো গ্ৰাফোল’জিয়ে এতিয়া গুৰুত্বপূৰ্ণ স্থান লাভ কৰিছে৷ মগজুৰ নিৰ্দেশত আমাৰ হাত খনে আখৰ লিখি যায়৷ সেয়ে হাতৰ আখৰত মনৰ অৱস্থাটো সঠিক ভাবে ধৰা পৰে৷ সুখৰ মুহূৰ্তত লিখা আখৰ আৰু দুখ, ভয় আদিৰ পৰিবেশৰ মাজত লিখা আখৰৰ বহ খিনি পৰিৱৰ্তন হোৱা দেখা যায়৷
গ্ৰাফোল’জিয়ে হাতৰ আখৰৰ তেনেবোৰ কথাই বিশ্লেষণ কৰে৷বিশ্বৰ বহু দেশে সেয়ে ব্যক্তিৰ চৰিত্ৰ জানিবলৈ হাতৰ আখৰ বিশ্লেষণৰ সহায় লয়৷ আনকি অপৰাধী চিনাক্তকৰণৰ ক্ষেত্ৰতো হাতৰ আখৰে বহু পৰিমাণে সহায় কৰি আহিছে৷
মগজুৰ চিন্তা তৰংগ যিহেতু হাতৰ আখৰত পৰিস্ফুট হয় সেয়ে আখৰৰ গোট চায়েই ক’ব পাৰি লোক এজন কেনে হ’ব পাৰে৷ এই লেখাৰ সৈতে ইংৰাজী এ, জি , ডি আদি কেইটামান আখৰ লিখাৰ ধৰণ চায়েই মানুহ এজনৰ বিষয়ে বহু কথা ক’ব পাৰি৷
দৰাচলতে ইয়াত উল্লেখ কৰা আখৰ কেইটাক গ্ৰাফোল’জিত অভেল (ডিম্বাকৃতিৰ)আকৃতিৰ আখৰ বুলি কোৱা হয়৷এনে অভেল আকৃতিৰ আখৰ লিখা লোকসকল উদাৰ আৰু সমাজ সচেতন হয়৷
তেওঁলোকৰ বন্ধুৰ সংখ্যা বহু বেছি হয়৷বহু সময়ত নিজৰ ক্ষতি কৰি হ’লেও এনে আখৰ লিখা লোকে আনৰ উপকাৰ সাধিবলৈ যায়৷ এনে আখৰ লিখা লোকসকল উদাৰ আৰু পৰোপকাৰী হোৱাৰ বাবে বহু সময়ত আনৰ দ্বাৰা প্ৰতাৰিও হ’বলগীয়া হয়৷ তথাপি এনে বাধা সমূহে এনে ধৰণৰ অভেল আকৃতিৰ আখৰ লিখা লোকসকলক হতাশ কৰিব নোৱাৰে৷ কবিতা, গল্পকে ধৰি আন সৃষ্টিমূলক কামত এনে আখৰ লিখা লোকসকল বেছিকৈ জৰিত হৈ পৰা দেখা যায়৷
Continue Reading
