ডিজিটেল ডেস্কঃ বলীউডৰ সকলো গোপনীয়তা জানে পৰিচালক ফাৰাহ খানে। কাৰ পৰিয়ালত কি চলি আছে তেওঁ জানে। এইবাৰ পৰিচালক আৰু কৰিঅ’গ্ৰাফাৰগৰাকীয়ে বলীউডৰ আটাইতকৈ কৃপণ অভিনেতাৰ নাম প্ৰকাশ কৰিলে।
কপিল শৰ্মাৰ অনুষ্ঠানত উপস্থিত আছিল ফাৰাহ। তাতেই তেওঁ প্ৰকাশ কৰে বলীউডৰ আটাইতকৈ কৃপণ অভিনেতা কোন। পৰিচালকে কয় যে তেওঁ টকাৰ ক্ষেত্ৰত অতি উদাৰ। লগতে তেওঁ কয় যে তেওঁ টিনচেল টাউন মুম্বাইৰ আটাইতকৈ কৃপণ অভিনেতাক চিনি পায়।
ফাৰাহে কয়, “মই জানো বলীউডত কোনজন আটাইতকৈ কৃপণ। তেওঁ হৈছে চাংকি পাণ্ডে। সঁচা কথা কৈছোঁ। মই এতিয়াই ফোন কৰি ৫০০ টকা বিচাৰিম।'' লগে লগে পাণ্ডেলৈ ফোন কৰিলে। ফোন কৰি ক'লে, "শুনা চাংকি, মোক এতিয়াই ৫০০ টকা লাগে।"
উত্তৰত ছাংকিয়ে ফাৰাহক এটিএমত গৈ টকা উলিয়াবলৈ পৰামৰ্শ দিয়ে। ৫০০ টকাৰ সলনি ফাৰাহে ৫০ টাকা পঠিয়াবলৈ অনুৰোধ কৰিলে। নেটৱৰ্ক বেয়াৰ অজুহাতত চুংকি পাণ্ডেই ফোনটো কাটি দিলে।
ফাৰহাই ক’লে যে তেওঁ প্ৰমাণ কৰিলে যে চাংকি বলীউডৰ আটাইতকৈ কৃপণ অভিনেতা। অৱশ্যে এই গোটেই ঘটনাটো যে ধেমালিৰ আঁৰত সংঘটিত হৈছে সেয়া কোৱা বাহুল্য।
ইয়াৰ পূৰ্বে অক্ষয় কুমাৰ, ৰিতেশ দেশমুখ আৰু জেকী শ্ৰফৰ সৈতে ছাংকি পাণ্ডেই কপিলৰ শ্ব’লৈ আহিছিল ‘হাউছফুল ৪’ৰ প্ৰচাৰৰ বাবে। তাতে অক্ষয়ে কৈছিল যে চাংকি ব্যৱসায়ী হিচাপে বহুত ভাল। চাংকিয়ে এবাৰ ছলমান খানৰ সৈতে দক্ষিণ আফ্ৰিকাৰ এখন বজাৰত বজাৰ কৰিবলৈ গৈছিল। তাত এজন বিক্ৰেতাই ছলমানৰ লগত এখন ফটো তুলিব বিচাৰে। ছাংকি পাণ্ডেই ফটোগ্ৰাফীৰ ব্যৱস্থা কৰিলে। তাৰ পৰিৱৰ্তে ২০ হাজাৰ টকা লৈছিল।
Continue Reading
