ডিজিটেল ডেস্কঃ অক্ষয় কুমাৰ বলীউডৰ শীৰ্ষ তাৰকাৰ ভিতৰত অন্যতম। তেওঁৰ ছবিয়ে কোটি কোটি টকাৰ ব্যৱসায় কৰে, কিন্তু অক্ষয় কুমাৰে নিজকে কঠোৰ পৰিশ্ৰমী শ্ৰমিক বুলিহে গণ্য কৰে। শেহতীয়াকৈ অক্ষয় কুমাৰে এটা শ্ব’ৰ সময়ত পত্নী টুইংকলক উচ্চ প্ৰশংসা কৰিছিল। তেওঁ কৈছিল যে ‘‘মই মাত্ৰ এজন গাধ শ্ৰমিক আনহাতে মোৰ পত্নী টুইংকল প্ৰকৃত বুদ্ধিমান।’’
ক্ৰিকেটাৰ শিখৰ ধাৱনৰ টক শ্ব’ত পত্নী টুইংকলৰ সৈতে উপস্থিত হোৱা অক্ষয় কুমাৰে নিজৰ কেৰিয়াৰ, জীৱনশৈলীৰ লগতে পৰিয়াল আৰু সম্পৰ্কৰ বিষয়েও মুকলিকৈ কয়।
পত্নী টুইংকলক প্ৰশংসা কৰি অক্ষয় কুমাৰে কয় যে ‘‘মই ভাগ্যৱান যে মই ছুপাৰষ্টাৰ ৰাজেশ খান্নাৰ কন্যাক বিয়া কৰাইছো, কিন্তু তাতোকৈ গুৰুত্বপূৰ্ণ কথাটো হ’ল মই এজন নিখুঁত সংগী পাইছো।’’
কথা-বতৰাৰ সময়ত অক্ষয় কুমাৰে কয় যে ‘‘মই বেছি পঢ়া-শুনা কৰিব নোৱাৰিলোঁ, মই কেৱল গাধৰ দৰে শ্ৰম কৰো, টুইংকল বুদ্ধিমান আৰু কথাবোৰ বেলেগ দৃষ্টিভংগীৰে চায়।’’
অক্ষয় কুমাৰে লগতে কয় যে ‘‘জীৱনত উপযুক্ত সংগী বিচাৰি উলিওৱাটোৱেই আটাইতকৈ গুৰুত্বপূৰ্ণ কথা। ইয়াৰ লগে লগে আপোনাৰ জীৱনটো স্বয়ংক্ৰিয়ভাৱে নিখুঁত হৈ পৰে। মোৰ ভাগ্য ভাল যে টুইংকল কেৱল এগৰাকী ভাল পত্নীয়ে নহয় এগৰাকী মহান মাতৃও। আজিও তেওঁ নিজৰ দৃষ্টিকোণৰ পৰা কথাবোৰ চায়। মোৰ পত্নী পঞ্চাশ বছৰীয়া হ’ল যদিও আজিও তেওঁ পঢ়া-শুনাত মনোনিৱেশ কৰি আছে। স্নাতকোত্তৰ ডিগ্ৰীৰ পিছত তেওঁ শেহতীয়াকৈ পি এইচ ডিও সম্পূৰ্ণ কৰিছে।’’
অক্ষয়ে লগতে হাঁহি হাঁহি কয় যে ‘‘মোৰো কলেজলৈ উভতি যোৱাৰ ইচ্ছা যায় কিন্তু কিতাপ দেখিলেই মোৰ কান্দিবলৈ মন যায়।’’
শ্ব’ৰ সময়ত অক্ষয় কুমাৰে কয় যে ‘‘মোৰ সৰুৰে পৰা খেলৰ প্ৰতি অধিক আগ্ৰহ আছিল। পঢ়া-শুনাত মই শূন্য বুলি মা-দেউতাইও বুজি পাইছিল। সেইবাবেই চাগে তেওঁলোকে মোক খেলৰ ওপৰত অধিক মনোনিৱেশ কৰিবলৈ অনুমতি দিছিল।’’
Continue Reading
