ডিজিটেল ডেস্ক : আপুনি নিশ্চয়
ভাবিছে যে এনে লেতেৰা জিন্সৰ দাম লাখ লাখ টকা কেনেকৈ হ’ব পাৰে। দৰাচলতে মানুহে বজাৰ
কৰিবলৈ গ’লে যিকোনো কাপোৰত যদি এটা দাগ দেখা পায়, তেন্তে সেই কাপোৰ সলনি কৰি লয়। কিন্তু
এই জিন্সটোৰ ইমান বিশেষত্ব আছে?
সবিশেষ কথাটো কি?
জিন্স যিয়েই নহওক কিয়, কমেও এহাজাৰ
টকাৰ পৰা সৰ্বাধিক ৩০ হাজাৰ টকাপৰ্যন্ত হ’ব। কিন্তু এই জিন্সটো লাখ লাখ টকাত নিলাম
কৰা হৈছিল কাৰণ এই ভিনটেজ জিন্সটো ১৮৮০ চনত আমেৰিকাৰ এটা নিৰ্জন খনিৰ পৰা উদ্ধাৰ হৈছিল।
বহু বছৰ পাৰ হোৱাৰ পাছতো আজিও অক্ষুণ্ণ অৱস্থাত আছে জিন্সটো।
৬২ লাখ টকাত বিক্ৰী-
১ অক্টোবৰত ৬২ লাখ টকাত নিলাম কৰা
হৈছিল এই বিশেষ জিন্সটো। জিন্সটো কাইল হাউপাৰ্ট আৰু জিপ ষ্টিভেনছনে দুয়ো একেলগে কিনিছিল।
অৱশ্যে হপাৰ্টে ৯০% নিবিদাৰ পৰিশোধ কৰিছিল। এই জিন্স ক্ৰেতাসকলে ভাবে যে তেওঁলোকে ইয়াক
অধিক দামত বিক্ৰী কৰিবলৈ সক্ষম হ’ব। স্মৰ্তব্য যে এই জিন্সটো লেভি ষ্ট্ৰাউছ (Levi Strauss) ব্ৰেণ্ডৰ
আছিল।
বহু পুৰণি আছিল এই জিন্স-
ডেনিম জিন্সৰ বাবেই লেভিছ ব্ৰেণ্ড
বিশ্বত অতি জনপ্ৰিয়। জিন্সটো ‘গোল্ড ৰাছ’ যুগৰ, অৰ্থাৎ ইয়াৰ কঁকালৰ বেণ্ডত এটা ছাচপেণ্ডাৰ
বুটাম আৰু বেক পকেটও আছে। এই কাহিনী ভাইৰেল হোৱাৰ পাছত ছ’চিয়েল মিডিয়াত বিভিন্ন ধৰণৰ
প্ৰতিক্ৰিয়া অব্যাহত আছে। এই জিন্সৰ বাবে কোনোৱে টকা খৰচ কৰাৰ পক্ষত আছে আৰু কোনোৱে
ইয়াৰ বিৰোধিতা কৰিছে।
