ডিজিটেল ডেস্কঃ জন্মদিন বুলি ক’লেই যেন কেক কটাটো অৱধাৰিত নিয়ম। কেক কাটি মানুহে উদযাপন কৰে জন্মদিনৰ আনন্দ। বহু মানুহে আজিৰ সময়তো কেক কাটি পোৱা নাই বা কিছুমানে নিজেও কেকে কাটিব নিবিচাৰে। শেহতীয়াকৈ এজন ব্যক্তিৰ জন্মদিনৰ কাহিনী ছ’চিয়েল মিডিয়াত ভাইৰেল হৈ পৰিছে।
সেই ব্যক্তিজনৰ আছিল ৬৪ বছৰীয়া জন্মদিন। তেওঁ এগৰাকী ৰেষ্টুৰেণ্টৰ কৰ্মচাৰী। সকলোৰে জন্মদিনত কেক কাটোতে আনন্দত ভাগ লোৱা সেই ব্যক্তিজনে আজিলৈকে কেক কাটি পোৱা নাই। সেয়েহে তেওঁৰ সহকৰ্মীসকলে তেওঁক এটা কেক উপহাৰ দি ছাৰপ্ৰাইজ দিয়াৰ কথা চিন্তা কৰে।
ৰেষ্টুৰেণ্টৰ কৰ্মচাৰীসকলে এই ৬৪ বছৰীয়া সহকৰ্মীজনৰ জন্মদিনত বিশেষ কিবা এটা কৰিব বিচাৰিছিল। তেওঁলোকে জানিছিল যে কোনোদিনে জন্মদিনৰ কেক কাটি পোৱা নাই ব্যক্তিজনে৷ সহকৰ্মীসকলে তেওঁৰ বাবে গান গাই তেওঁৰ বিশেষ দিনটো উদযাপনৰ বাবে কেক এটা লৈ আহে। ইয়াকে দেখি তেওঁ আৱেগিক হৈ পৰে। আৱেগতে তেওঁৰ দুচকুৰে চকুলো নিগৰি আহে।
চাওক ভিডিঅ’
কৰ্মচাৰীজনৰ নাম লিঅ’। লিঅ’ ৰেষ্টুৰেণ্টখনৰ কঠোৰ পৰিশ্ৰমী। তেওঁৰ ৬৪ বছৰীয়া জন্মদিনত ৰেষ্টুৰেণ্টৰ কৰ্মচাৰীসকলে সিদ্ধান্ত ল’লে যে তেওঁৰ জন্মদিনটো তেওঁলোকে বিশেষ কৰি তুলিব।
ভিডিঅ’টোৰ কেপচনত লিখা আছে, " জন্মদিনৰ কেক এটা পাই লিঅ’ বহুত সুখী হৈ পৰিছে। ই সৰু সৰু কথাবোৰে জীৱনটোক বিশেষ কৰি তোলে।"
এই ভিডিঅ’টো এতিয়া ছ’চিয়েল মিডিয়াত ভাইৰেল হৈ পৰিছে। লিঅ’ক সকলোৱে জনাইছে জন্মদিনৰ অলেখ শুভকামনা।
Continue Reading
