ডিজিটেল ডেস্কঃ এগৰাকী মহিলা পাইলটৰ কার্যৰ ফলত এয়াৰ ইণ্ডিয়া কোম্পানী বিলাৰ দুখন বিমান বৃহৎ দুৰ্ঘটনাৰ পৰা ৰক্ষা পৰিল। কমেও ৩০০ যাত্ৰী আৰু ক্ৰুৰ মৃত্যুমুখৰ পৰা উভটি আহে। বুধবাৰে বিয়লি দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত সংঘটিত হয় এই ঘটনা। বিমানবন্দৰৰ সূত্ৰ অনুসৰি ৰাণৱেত দুখন বিমানৰ মাজত সংঘৰ্ষ হয়।
প্ৰথম অৱস্থাত এয়াৰ ইণ্ডিয়াৰ বাগডোগ্ৰা অভিমুখী বিমান VTI725 বুধবাৰে বিয়লি বিমানবন্দৰৰ ২৯আৰ ৰাণৱেৰ পৰা উৰা মাৰিবলৈ গৈ আছিল। ঠিক সেই সময়তে ভিলহাৰৰ আহমেদাবাদ-দিল্লী ভিটিআই৯২৬ ৰাণৱে ২৯এলত অৱতৰণ কৰি আছিল। ভিটিআই ৯২৬ৰ মহিলা পাইলট সোণু গিলে তেওঁৰ চকুত আহি ক্ষন্তেকতে এয়াৰ ট্ৰেফিক কণ্ট্ৰ’ল (এটিচি)ক খবৰ দিয়ে।
ইয়াৰ পিছতে এটিচিয়ে বাগডোগ্ৰা অভিমুখী বিমানখনক উৰণ স্থগিত ৰাখিবলৈ নিৰ্দেশ দিয়ে। বিমানবন্দৰৰ সূত্ৰ অনুসৰি ঘটনাৰ সময়ত বিমান দুখনৰ মাজৰ দূৰত্ব আছিল মাত্ৰ ১৮০০ মিটাৰ! এটিচিৰ সৈতে সমন্বয়ৰ অভাৱত এনে পৰিস্থিতিৰ সৃষ্টি হ’ল নেকি বুলি প্ৰশ্ন উত্থাপন হৈছে। ডিজিচিএ (অসামৰিক বিমান পৰিবহণ মহানিৰ্দেশনা)ৰ তদন্ত অব্যাহত আছে।
প্ৰসংগক্ৰমে দিল্লী বিমানবন্দৰৰ ২৯আৰ আৰু ২৯এল ৰাণৱে একেলগে ব্যৱহাৰ কৰিব নোৱাৰিব। কাৰণ দুয়োটা ৰাণৱেই এটা বিশেষ বিন্দুত লগ হয়।
Continue Reading
