ডিজিটেল ডেস্কঃ গণেশ চতুৰ্থী উপলক্ষ্যে দেশৰ বহু ঠাইত আজি গণেশ পূজা অনুষ্ঠিত হৈছে৷ ইয়াৰ মাজতে মায়ানগৰী মুম্বাইৰ জিএছবি সেৱা মণ্ডলৰ 'মহাগণপতি'য়ে সকলোৰে মনোযোগ আকৰ্ষণ কৰিছে।বহুতে ধাৰণা কৰিছে যে সোণ আৰু ৰূপৰ অলংকাৰেৰে সজ্জিত এই গণেশ হৈছে দেশৰ আটাইতকৈ ব্যয়বহুল গণপতি মূৰ্তি ।
জিএছবি সেৱা মণ্ডলৰ ৬৯ সংখ্য গণেশ পূজাত এই 'মহাগণপতি' মূৰ্তি প্ৰতিষ্ঠা কৰা হৈছে৷ মূৰ্তিটো ৬৬.৫ কিলোগ্ৰাম সোণ আৰু ২৯৫ কিলোগ্ৰাম ৰূপৰ গহনাৰে সজোৱা হৈছে। মূৰ্তিটোৰ বাবে৩৬০.৪০ কোটি টকাৰ বীমাও কৰা হৈছে৷ যাতে মূৰ্তিটোৰ গহনা কিবাকৈ চুৰি হ’লেও ক্ষতিপূৰণ পোৱা যায়৷
নিৰাপত্তাৰ কথা মনত ৰাখি দৰ্শনাৰ্থীসকলক পেণ্ডেলৰ ভিতৰত প্ৰৱেশ কৰাৰ সময়ত প্ৰযুক্তিৰ সহায়েৰে পৰীক্ষা কৰা হৈছে৷ সকলোৰে মুখ চিনাক্তকৰণ কৰাৰো ব্যৱস্থা ৰখা হৈছে।
মন কৰিব লগীয়া যে মুম্বাইৰ দৰে হায়দৰাবাদৰ বাসিন্দাসকলেও উচাহ-উদ্দীপনাৰে গণপতি পূজা অনুষ্ঠিত কৰিছে। অসম, পশ্চিম বংগ আদি ৰাজ্যতো গণেশ পূজা উদযাপন কৰা হৈছে।
Continue Reading
