ভাৰতৰ প্ৰখ্যাত অধিবক্তা হৰিশ ছালভেই দখল কৰিছে সংবাদ শিৰোনাম। কোনো হাই প্ৰফাইল কেচত ওকালতি কৰা বাবে নহয় তৃতীয়বাৰৰ বাবে বিবাহপাশত আৱদ্ধ হোৱাৰ বাবেহে তেওঁ বাতৰিৰ শি

Listen to Article

2 min read

80%

ডিজিটেল ডেস্কঃ ভাৰতৰ প্ৰখ্যাত অধিবক্তা হৰিশ ছালভেই দখল কৰিছে সংবাদ শিৰোনাম। কোনো হাই প্ৰফাইল কেচত ওকালতি কৰা বাবে নহয় তৃতীয়বাৰৰ বাবে বিবাহপাশত আৱদ্ধ হোৱাৰ বাবেহে তেওঁ বাতৰিৰ শিৰোনাম দখল কৰিছে।

ভাৰতৰ অন্যতম বিখ্যাত উকীল হৰিশ ছালভে। ১৯৯৯ চনৰ পৰা ২০০২ চনলৈকে তেওঁ ছলিচিটৰ জেনেৰেলো আছিল। ইংলেণ্ডত ৰাণীৰ উপদেষ্টা হিচাপেও নিযুক্তি দিয়া হৈছিল হৰিশক।

৬৮ বছৰ বয়সত তৃতীয়বাৰৰ বাবে ব্ৰিটিছ মূলৰ ত্ৰিনাক বিয়া কৰাইছে হৰিশ ছালভেই। লণ্ডনত অনুষ্ঠিত এই বিবাহ অনুষ্ঠানত ব্যৱসায়িক জগতৰ বহু ব্যক্তিও উপস্থিত আছিল, যাৰ ভিতৰত মুকেশ আম্বানী আৰু ললিত মোডী বিশেষ আছিল।

২০২০ চনত প্ৰথম পত্নী মীনাক্ষীৰ পৰা বিচ্ছেদ হোৱাৰ পাছত ২০২০ চনৰ অক্টোবৰ মাহত ব্ৰিটিছ শিল্পী কেৰ’লিন ব্ৰছাৰ্ডৰ সৈতে বিবাহপাশত আবদ্ধ হয় যদিও সেই সংসাৰ নিটিকিল

হৰিশ ছালভেৰ প্ৰথম পত্নীৰ নাম আছিল মীনাক্ষী। দুয়োৰে সংসাৰ প্ৰায় ৩৮ বছৰ ধৰি চলিছিল যদিও ২০২০ চনত দুয়োজনে পৃথক হোৱাৰ সিদ্ধান্ত লৈছিল। প্ৰথম পত্নীৰ ফালৰ পৰা তেওঁৰ দুগৰাকী কন্যা সন্তান আছে।

ছলমান খান, টাটা গ্ৰুপ আইটিচি আৰু মুকেশ আম্বানীৰ ৰিলায়েন্স ইণ্ডাষ্ট্ৰীৰ ডাঙৰ ডাঙৰ গোচৰৰ বিৰুদ্ধে যুঁজ দি সফল হৈছিল হৰিশ ছালভে। কঠিনতকৈও কঠিন গোচৰতো জয়ী হোৱাৰ ক্ষমতা আছে হৰিশ ছালভেৰ।

হৰিশ ছালভেক দেশৰ আটাইতকৈ দামী উকীলৰ ভিতৰত গণ্য কৰা হয়। ২০১৫ চনত তেওঁ পদ্মভূষণ বঁটা লাভ কৰে। পাকিস্তানত মৃত্যুদণ্ডৰ শাস্তি পোৱা কুলভূষণ যাদৱৰ গোচৰতো হৰিশ ছালভেই যুঁজিছিল। ইয়াৰ বাবে ছালভেই ভাৰত চৰকাৰৰ পৰা মাত্ৰ এটকা মাচুল লৈছিল। হৰিশ ছালভে লণ্ডনত থাকে আৰু ভাৰতত ভিডিঅ’ কনফাৰেন্সিঙৰ জৰিয়তে ওকালতি কৰে।