ডিজিটেল ডেস্কঃ বেমাৰ আহি কেতিয়া লগ লাগেহি সেয়া কোনেও ক'ব নোৱাৰে। এজন সুস্থ মানুহে হঠাতে অনুভৱ কৰিছিল যে তেওঁ উশাহ-নিশাহত কষ্ট পাইছে আৰু খাদ্য ভালদৰে খাব নোৱাৰে। চিকিৎসকৰ ওচৰলৈ যাম যাম বুলি এনেকৈয়ে তেওঁ ছমাহ কাল কটায় দিলে। সমস্যা বেছিকৈ বাঢ়ি অহাত অৱশেষত তেওঁ চিকিৎসকৰ কাষ চাপিল।
চিকিৎসকে পৰীক্ষা কৰি দেখে যে তেওঁৰ ডিঙিত নাৰিকলৰ সমান এটা টিউমাৰ আছে। দিল্লীৰ এখন ব্যক্তিগত চিকিৎসালয়ৰ চিকিৎসকে ৭২ বছৰীয়া ৰোগীজনৰ ডিঙিৰ পৰা নাৰিকল আকাৰৰ থাইৰয়ড টিউমাৰটো সফলতাৰে আঁতৰাই পেলায়। বিহাৰৰ বেগুচৰাইৰ বাসিন্দা ৰঘুবীৰ বিগত ছমাহ ধৰি উশাহ-নিশাহ লোৱা আৰু খাদ্য সামগ্ৰী গিলিবলৈ অসুবিধা পাই আছিল। তেওঁক চিকিৎসাৰ বাবে ছাৰ গংগা ৰাম চিকিৎসালয়লৈ অনা হয়।
অস্ত্ৰোপচাৰ বিভাগৰ মুৰব্বী ডাঃ সংগীত আগৰৱালাই কয় যে ডিঙিত পখিলাৰ আকৃতিৰ থাইৰয়ড গ্ৰন্থি থাকে। কিন্তু টিউমাৰৰ বাবে ই নাৰিকলতকৈ ডাঙৰ হৈ পৰিছিল। যাৰ ওজন প্ৰায় এক কিলোগ্ৰাম আৰু আকাৰ আছিল ১৮-২০ চেণ্টিমিটাৰৰ ভিতৰত। যোৱা ২৫ বছৰ ধৰি ৰোগীজনৰ টিউমাৰ আছিল। যিটো লাহে লাহে বাঢ়ি আহিছিল। কিন্তু, তেওঁ এই কথা উপলব্ধি কৰা নাছিল। পৰীক্ষাত টিউমাৰটো পোৱা গৈছিল।
ডাক্তৰে কয় যে প্ৰথমবাৰৰ বাবে ইমান ডাঙৰ টিউমাৰৰ ঘটনা পোহৰলৈ আহিছে। পখিলাৰ আকৃতিৰ থাইৰয়ড গ্ৰন্থিৰ আকাৰ সাধাৰণতে ৩-৪ চে.মি. আৰু ওজন ১০-১৫ গ্ৰাম। কিন্তু ৰোগীজনৰ ক্ষেত্ৰত পৰিস্থিতি সম্পূৰ্ণ বিপৰীত আছিল। ৰোগীৰ বয়সৰ বাবে অস্ত্ৰোপচাৰ কৰাটোও এক প্ৰত্যাহ্বান আছিল। টিউমাৰৰ বাবে বতাহৰ পাইপটো সংকীৰ্ণ হৈ পৰিছিল। লগতে টিউমাৰ আঁতৰোৱাৰ সময়ত ৰোগীৰ মাত ৰক্ষা কৰাটো প্ৰয়োজনীয় আছিল। ৰোগীজনৰ অস্ত্ৰোপচাৰ কৰিবলৈ প্ৰায় তিনি ঘণ্টা সময় লাগিছিল।
Continue Reading
