ডিজিটেল ডেস্কঃ এক শক্তিশালী ভূমিকম্পই জোাকাৰি গ’ল নিউজিলেণ্ডৰ কেৰ্মাডেক দ্বীপপুঞ্জক৷ নেচনেল চেণ্টাৰ ফৰ চিচমোলজীয়ে টুইটত প্ৰকাশ কৰা তথ্য অনুসৰি সোমবাৰে অনুভূত হোৱা ভূমিক্ম্পটোৰ প্ৰৱল্য আছিল ৰিখটাৰ স্কেলত ৭.২ ।
এনচিএছৰ মতে ভাৰতীয় সময় অনুসৰি আজি পুৱা ৬.১১ বজাত ভূমিকম্পটো অনুভূত হয়। "কেৰ্মাডেক দ্বীপপুঞ্জৰ ভূগৰ্ভৰ১০ কিলোমিটাৰ অভ্যন্তৰত ভূমিকম্পটোৰ সৃষ্টি হোৱা বুলি নেচনেল চেণ্টাৰ ফৰ চিচমোলজীয়ে টুইটত প্ৰকাশ কৰিছে।
দেশ খনৰ ৰাষ্ট্ৰীয় জৰুৰীকালীন ব্যৱস্থাপনা সংস্থাই কৈছে যে চুনামিৰ বাবে এতিয়ালৈকে কোনো সতৰ্কবাণী জাৰি কৰা হোৱা নাই। ভূমিকম্পৰ ফলত নিউজিলেণ্ডৰ বাবে ভাবুকি সৃষ্টি কৰিব পৰা চুনামি হোৱাৰ সম্ভাৱনা নাই ।
এতিয়ালৈকে ভূমিক্ম্পৰ ফলত কোনো লোক হতাহত হোৱাৰ খবৰ পোৱা হোৱা নাই৷ অধিক বাতৰিৰ বাবে অপেক্ষা কৰা হৈছে৷
Continue Reading
