ডিজিটেল ডেস্কঃ আমেৰিকাৰ ৰিয়েলিটি শ্ব’ আমেৰিকা গট টেলেণ্টত প্ৰৱেশ কৰি বিখ্যাত হোৱা সাড়ে সাত ফুটতকৈও অধিক উচ্চতাৰ জগদীপ সিং ওৰফে দীপ সিঙক হেৰ’ইনৰ সৈতে গ্ৰেপ্তাৰ কৰা হৈছে। পঞ্জাৱ আৰক্ষীৰ ৰাজ্যিক বিশেষ অভিযানৰ দলে গ্ৰেপ্তাৰ কৰিছে প্ৰাক্তন আৰক্ষী জোৱান দীপ সিঙক।
দীপ সিঙৰ লগতে তৰ্ণ তৰণ জিলাৰ পৰাও দুই সহযোগীক গ্ৰেপ্তাৰ কৰা হৈছে। আৰক্ষীয়ে জনোৱা মতে, প্ৰাক্তন কনিষ্টবলজনৰ পৰা ডেৰ কিলোগ্ৰাম হেৰ’ইন উদ্ধাৰ কৰা হৈছে। আৰক্ষীৰ মতে, তেওঁ নিজৰ বাহনত পঞ্জাৱ পুলিচৰ ষ্টীকাৰ লৈ ঘূৰি ফুৰিছিল।
বিখ্যাত হোৱাৰ পিছত দীপ সিঙে আৰক্ষীৰ চাকৰি এৰিছিল। তেওঁ বীৰ খালা গোটৰ অংশ আছিল। তেওঁৰ গ্ৰুপে আমেৰিকাৰ গট টেলেণ্টৰ ১৪ নং ছিজনত স্থান লাভ কৰিছিল আৰু বহু বিপজ্জনক অভিনয় কৰিছিল। সাত ফুট ছয় ইঞ্চি উচ্চতাৰ তেওঁ আছিল শ্ব’টোৰ আটাইতকৈ ওখ ব্যক্তি।
দীপ সিঙে বহু ছবিতো কাম কৰিছে। ইয়াৰ উপৰিও দীপ সিঙে আমেৰিকাৰ ৰিয়েলিটি শ্ব' "ইণ্ডিয়াজ গট টেলেণ্ট"ৰ ভাৰতীয় সংস্কৰণতো অভিনয় কৰিছিল।
যোৱা বছৰ তেওঁৰ দলটোৱে "অষ্ট্ৰেলিয়াৰ গট টেলেণ্ট"ৰ দশম ছিজনতো অংশগ্ৰহণ কৰিছিল। কিন্তু ছেমি ফাইনেলত বাহিৰ হৈছিল। আৰক্ষীৰ মতে, দীপ সিঙক আদালতত হাজিৰ কৰা হ’ব।Continue Reading
