ডিজিটেল ডেস্কঃ এক চাঞ্চল্যকৰ ঘটনা সংঘটিত হৈছে। IAS বিষয়াৰ নিৰাপত্তাৰক্ষীয়ে গুলীয়াই হত্যা কৰিলে নিজ পত্নী আৰু ২ সন্তানক। তেওঁলোকক হত্যা কৰাৰ পাছত আত্মহত্যা কৰে নিৰাপত্তাৰক্ষীগৰাকীয়ে। এই ঘটনা সংঘটিত হৈছে তেলেংগানাত।
তেলেংগানাৰ ছিদ্দিপেটৰ কালেক্টৰ তথা জিলা দণ্ডাধীশ আই এ এছ প্ৰশান্ত জীৱন পাটিলৰ এজন ব্যক্তিগত নিৰাপত্তাৰক্ষীয়ে পত্নী, পুত্ৰ আৰু কন্যাক গুলীয়াই হত্যা কৰে। ইয়াৰ পিছত একেটা ৰিভলভাৰেৰে গুলীচালনা কৰি আত্মহত্যা নিৰাপত্তাৰক্ষীগৰাকীয়ে।
লোকজনৰ নাম অকুলা নৰেশ বুলি জানিব পৰা গৈছে। এই ভয়ংকৰ কাণ্ডৰ তথ্য লাভ কৰাৰ লগে লগে আৰক্ষীয়ে ঘটনাস্থলীত উপস্থিত হৈ মৃতদেহকেইটা মৰণোত্তৰ পৰীক্ষাৰ বাবে স্থানান্তৰিত কৰে। প্ৰাথমিক তদন্ত অনুসৰি আৰ্থিক সমস্যাৰ বাবে এই ঘটনা সংঘটিত হ’ব পাৰে।
শুকুৰবাৰে পুৱা প্ৰায় ১১.৩০ বজাত সংঘটিত হয় এই ঘটনা।
জিলা সশস্ত্ৰ ৰক্ষী শাখাৰ সৈতে কাম কৰি আছিল অকুলা নৰেশে। আৰক্ষী আয়ুক্তই বিষয়টোৰ তদন্ত কৰি আছে।
Continue Reading
