ডিজিটেল ডেস্কঃ ইণ্ডিয়া মিত্ৰজোঁটৰ প্ৰবল প্ৰত্যাহ্বানৰ মাজতে চৰকাৰ গঠন কৰিব পৰাকৈ সংখ্যাগৰিষ্ঠতা অৰ্জন কৰা এনডিএই পুনৰ চৰকাৰ গঠনৰ বাবে সাজু হৈছে। তৃতীয়বাৰৰ বাবে প্ৰধানমন্ত্ৰী হিচাপে শপত লোৱাৰ পৰিকল্পনা চূড়ান্ত কৰিছে প্ৰধানমন্ত্ৰী নৰেন্দ্ৰ মোদীয়ে। অহা ৮ জুনত ৰাষ্ট্ৰপতি ভৱনত শপত গ্ৰহণ কৰিব মোদীয়ে। প্ৰথমে শুনা গৈছিল যে প্ৰধানমন্ত্ৰীয়ে ৰাষ্ট্ৰপতি ভৱনৰ বাহিৰত মুকলি আকাশৰ তলত শপত গ্ৰহণ কৰিব বিচাৰিছে । কিন্তু অৱশ্যে অৱশেষত ৰাষ্ট্ৰপতি ভৱনত শপতগ্ৰহণ কৰিব বুলি খবৰ পোৱা গৈছে।
জানিব পৰা মতে ৮ জুনত বিজেপিয়ে মেগা উদযাপনৰ আয়োজন কৰিবলৈ ওলাইছে। জানিব পৰা মতে শপতগ্ৰহণৰ বাবে বিশেষভাবে সজাই তোলা হ’ব ৰাষ্ট্ৰপতি ভৱন। এন ডি এৰ ভিতৰত চৰকাৰ গঠনৰ প্ৰক্ৰিয়া আৰম্ভ হৈছে। দৰাচলতে ক্ষমতালৈ ঘূৰি অহাৰ পাছতো এইবাৰ বিজেপিয়ে বহু শক্তি হেৰুৱাইছে৷ বিজেপি এককভাবে সংখ্যাগৰিষ্ঠতাৰ পৰা বহু দূৰত আছে। সেয়ে এনডিএই চন্দ্ৰবাবু নাইডু আৰু নীতিশ কুমাৰৰ সৈতে পুনৰ যোগাযোগ কৰিছে। ফলত বিজেপিয়ে অংশীদাৰসকলক অধিক গুৰুত্ব দিবলগীয়া হৈছে।
অৱশ্যে চৰকাৰ গঠনত কোনো বিশেষ সমস্যা নহ’ব বুলি গেৰুৱা শিবিৰৰ আত্মবিশ্বাসী হৈ আছে । ইতিমধ্যে দিল্লীত এন ডি এৰ এখন বৈঠক আহ্বান কৰা হৈছে। নীতিশ কুমাৰ আৰু চন্দ্ৰবাবু নাইডুও তাত উপস্থিত থকাৰ কথা। সকলো ঠিকে থাকিলে আজি বিজেপিয়ে অংশীদাৰসকলৰ পৰা সমৰ্থন সংগ্ৰহ কৰিব। গেৰুৱা শিবিৰে আৰু পলম কৰিব বিচৰা নাই। শীঘ্ৰে প্ৰধানমন্ত্ৰী হ’ব বিচাৰিছে মোদীয়ে।
Continue Reading
