ডিজিটেল ডেস্কঃঅস্কাৰ বিজয়ী অভিনেতাজন এতিয়াও যেন তৰুণ হৈয়েই আছে। যদিও তেওঁৰ বয়স ৮০ বছৰতকৈ অধিক তথাপি তেওঁ নিজকে কেতিয়াও বুঢ়া হোৱা বুলি নাভাবে। সেয়ে হলিউডৰ চুপাৰষ্টাৰ অভিনেতাজনে শেহতীয়াকৈ প্ৰকাশ কৰিছে যে তেওঁ পুনৰ পিতৃ হ’বলৈ ওলাইছে।
অভিনেতা আল পাচিনোৰ সৈতে তেওঁৰ প্ৰেমিকা নুৰ আলাফাল্লাহৰ বয়সৰ বহু পাৰ্থক্য আছে। কিন্তু বয়সৰ পাৰ্থক্যৰ পিছতো নুৰ আলাফাল্লাহ এতিয়া গৰ্ভৱতী বুলি অভিনেতা জনে প্ৰকাশ কৰিছে। নুৰ আলাফাল্লাহ পেছাত এগৰাকী প্ৰযোজক।
তেওঁ হলিউডৰ চুপাৰষ্টাৰ আল পাচিনোতকৈ প্ৰায় ৫৪ বছৰে সৰু। নুৰৰ বয়স ২৯ বছৰ। তেওঁ আল পাচিনোৰ সন্তানৰ মাতৃ হ'বলৈ গৈ আছে বুলি ইতমধ্যে অভিনেতা জনেই প্ৰকাশ কৰিছে।আল পাচিনোৱে যোৱা বছৰ তেওঁৰ ৮২ সংখ্যক জন্মদিনত প্ৰথমবাৰৰ বাবে তেওঁৰ প্ৰেমিকা নুৰ আলফাল্লাহক পৰিচয় কৰাই দিছিল।
সেই বিশেষ দিনটোত অভিনেতাজনক তেওঁৰ প্ৰেমিকাৰ সৈতে একেলগে ৰাজহুৱাস্থানত দেখা গৈছিল। এইবাৰ আল পাচিনোৱে বছৰটো পাৰ হোৱাৰ লগে লগে ভাল খবৰটো দিছে।
যদিও বয়সত ৫৪ বছৰৰ পাৰ্থক্য আছে, দম্পতীহালৰ সম্পৰ্কত প্ৰেমৰ কোনো অভাৱ নাই। মহামাৰীৰ সময়ত নুৰ আলফাল্লাহ আৰু আল পাচিনোৱে ইজনে সিজনৰ প্ৰেমত পৰিছিল।
সেই সময়ত শুনা গৈছিল যে তেওঁলোকে লিভ-ইন সম্পৰ্কত আছিল। অৱশ্যে, তেওঁলোকৰ কোনোৱেই এই বিষয়েমুখ খোলা নাছিল।ইয়াৰ পূৰ্বেও নুৰ আলফাল্লাহে এজন ৬০ বছৰ বয়সৰ লোকৰ প্ৰেমত পৰিছিল। আল পাচিনো চতুৰ্থবাৰৰ বাবে দেউতাক হ'বলৈ গৈ আছে।
Continue Reading
