ডিজিটেল ডেস্কঃ প্ৰতি বছৰে ৩১ মে’ত বিশ্ব ধঁপাতবিৰোধী দিৱস পালন কৰা হয়। ইয়াৰ উদ্দেশ্য হ'ল এই ২৪ ঘণ্টা সময়ত যিকোনো ধঁপাত গ্ৰহণৰ পৰা বৰ্জিত থাকিবলৈ জনগণক উৎসাহিত কৰা আৰু লগতে ধঁপাত গ্ৰহণৰ ফলত স্বাস্থ্যৰ ওপৰত পৰিব পৰা নানাধৰণৰ বিৰূপ প্ৰতিক্ৰিয়াসমূহৰ বিষয়ে জনসাধাৰণক সজাগ কৰা।
উল্লেখযোগ্য যে, ধঁপাত সেৱনৰ ফলত প্ৰ্তিবছৰে পৃথিৱীত প্ৰায় ৮ মিলিয়ন লোকৰ মৃত্যু হয় তাৰে ধঁপাত সেৱন কৰি ৭ মিলিয়ন লোকৰ আৰু ধঁপাতৰ সংস্পৰ্শলৈ আহি প্ৰায় ১.২ মিলিয়ন লোকৰ মৃত্যু হয়। বিশ্ব স্বাস্থ্য সংস্থাৰ সদস্য ৰাষ্ট্ৰসমূহে ১৯৮৭ চনত এই দিৱসটোৰ সৃষ্টি কৰে। বিগত দুই দশক ধৰি নানান চৰকাৰ, স্বাস্থ্য সংস্থা, ধুম্ৰপাণকাৰী, ধঁপাত উদ্যোগ আদিৰ পৰা নানা ধৰণৰ ধনাত্মক আৰু ঋণাত্মক সঁহাৰিৰে ইয়াক উদযাপন কৰি অহা হৈছে।
ইয়াৰ লক্ষ্য হৈছে ধঁপাত সেৱনৰ ফলত হোৱা ৰোগ আৰু মৃত্যু হ্ৰাস কৰা। ২০২৩ চনৰ বাবে বিশ্ব ধঁপাত দিৱসৰ বিষয়বস্তু হৈছে ‘ধঁপাতমুক্ত যুৱক-যুৱতী’। ইয়াৰ অধীনত যুৱক-যুৱতীসকলৰ মাজত ধঁপাত সেৱন প্ৰতিৰোধ আৰু তেওঁলোকক ধঁপাত সেৱন বন্ধ কৰাত সহায় কৰিবলৈ উপযুক্ত পদক্ষেপ গ্ৰহণ কৰাত গুৰুত্ব দিয়া হ’ব।
গ্ল’বেল ইউথ ট’বেক’ চাৰ্ভে (GYTS) অনুসৰি ২০১৯ চনত কিশোৰ-কিশোৰীসকলৰ মাজত ধঁপাত সেৱনৰ হাৰ ৮.৫% আৰু পূৰ্বৰ সমীক্ষাত (২০১০) ১৪.৬% আছিল, ইয়াৰ পৰা বুজা যায় যে Consumption হ্ৰাস পাইছে, কিন্তু তথ্যই হাৰ দেখুৱাইছে ভাৰতত কিশোৰ-কিশোৰী আৰু প্ৰাপ্তবয়স্কৰ মাজত এতিয়াও বেছি।
ধঁপাতৰ দ্বিতীয় বৃহত্তম গ্ৰাহক আৰু উৎপাদনকাৰী দেশ ভাৰত। সমগ্ৰ বিশ্বতে ধূমপায়ী মহিলাৰ সংখ্যা দ্ৰুতগতিত বৃদ্ধি পাইছে। আনন্দৰ বাবে বা দেখাক দেখি মহিলাসকলে ধূমপান কৰিবলৈ লৈছে যদিও কিন্তু ইয়াৰ বাবে মহিলাসকলে বহু শাৰীৰিক-মানসিক সমস্যাৰ সন্মুখীন হ’বলগীয়া হৈছে। যাৰ ভিতৰত ছাৰ্ভাইকেল কেন্সাৰ আৰু হৃদযন্ত্ৰৰ সমস্যা আদি অন্তৰ্ভুক্ত। ধঁপাতৰ বাবেই বিশ্বত কেন্সাৰ ৰোগীৰ সংখ্যা দিনকদিনে বৃদ্ধি পাইছে। গতিকে আপুনিও কেন্সাৰ বিচাৰে যদি খাওক ধঁপাত, চিগাৰেট আদি! যদিহে নিবিচাৰে তেন্তে আজিয়েই এইবোৰ বেয়া বস্তু ত্যাগ কৰাৰ সিদ্ধান্ত লওক।
Continue Reading
