ডিজিটেল ডেস্কঃ দেশজুৰি এতিয়া ছামী বন্দনা। বিশ্বকাপৰ ছেমি ফাইনেলখনো ’ছামী ফাইনেল’ হৈ পৰিল। নিউজিলেণ্ডৰ বিৰুদ্ধে সাতটা উইকেট দখল কৰি এতিয়া মহম্মদ ছামীৰ ভাৰতীয় ক্ৰিকেটৰ হিৰ’। দূৰ্দান্ত প্ৰদৰ্শনেৰে কেৱল দলক জয়ী কৰোৱাই নহয়, নিজৰ বাবেও গঢ়িলে কেইবাটাও অভিলেখ।
বিশ্বকাপত ৫০টা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয় মহম্মদ ছামী। তেওঁ এই কৃতিত্ব বিশ্বকাপত সৰ্বনিম্ন সংখ্যক মেচত (১৭) কৰিছিল।
নিউজিলেণ্ডৰ বিৰুদ্ধে ৫৭ ৰানেৰে ৭টা উইকেট দখল কৰে ছামীয়ে। তেওঁ বিশ্বকাপৰ এখন খেলত ৭টা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয়।
এদিনীয়া বিশ্বকাপত চাৰিবাৰকৈ এখন খেলত পাঁচটা বা তাতকৈ অধিক উইকেট দখল কৰা প্ৰথমজন বলাৰ হিচাপে পৰিগণিত হৈছে ছামী। তিনিবাৰকৈ এই কৃতিত্ব অষ্ট্ৰেলিয়াৰ মিচেল ষ্টাৰকে কৰিছে।
বিশ্বকাপত ভাৰতৰ হৈ সৰ্বাধিক উইকেট দখল কৰিছে শমীয়ে। চলিত বিশ্বকাপত তেওঁৰ উইকেটৰ সংখ্যা ৬খন খেলত ২৩টা। ২০১১ চনৰ বিশ্বকাপত জহীৰ খানে ২১টা উইকেট দখল কৰিছিল। শ্বামীয়ে জহীৰক অভাৰটেক কৰিছে।
বিশ্বকাপৰ নক আউটত পাঁচটা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয় শ্বামী।
Continue Reading
