ডিজিটেল ডেস্কঃ শতকৰ অৰ্ধশতক। ৱাংখেড়েত শচীন টেণ্ডুলকাৰৰ অভিলেখ ভংগ কৰি বিৰাট কোহলীয়ে বিশ্ব ক্ৰিকেটক জনাই দিলে যে তেওঁ মাষ্টাৰ ব্লাষ্টাৰৰ যোগ্য উত্তৰসূৰী। কেৱল শতকৰ অৰ্ধশতকেই নহয়, এই ইনিংছৰ দ্বাৰা কেইবাটও নজিৰ গঢ়িবলৈ সক্ষম হ’ল বিৰাট কোহলী।
বিশ্বকাপত সৰ্বাধিক ৰান সংগ্ৰহ কৰিছে বিৰাটে। চলিত বিশ্বকাপত তেওঁৰ ১০খন মেচত ৭১১ ৰান। ২০০৩ চনৰ বিশ্বকাপত বিৰাটে শচীনৰ ৬৭৩ ৰানৰ অভিলেখ ভংগ কৰিছিল।
চলিত বিশ্বকাপত বিৰাটে ৫০ প্লাছ ৮টা ইনিংছ খেলিছে। এয়াও এক অভিলেখ। ইয়াৰ পূৰ্বে কোনো বিশ্বকাপত কোনেও এই কাম কৰিব পৰা নাছিল।
এদিনীয়া ক্ৰিকেটত ৰানৰ তালিকাত বিৰাট তৃতীয় স্থানত আছে। তেওঁৰ ৰান হৈছে ১৩,৭৯৪। তেওঁ ৰিকি পণ্টিংক অতিক্ৰম কৰিছে। বিৰাটৰ ওপৰত আছে শচীন আৰু কুমাৰ ছাংগাক্কাৰা।
বিৰাট এটা বিশ্বকাপত কমেও তিনিটা শতক লাভ কৰা নৱম ক্ৰিকেটাৰ। বাকী আঠজন হৈছে মাৰ্ক ৱাই, সৌৰভ গাংগুলি, মেথিউ হেডেন, কুমাৰ ছাংগাকাৰা, ৰোহিত শৰ্মা, ডেভিদ ৱাৰ্নাৰ, কুইণ্টন ডি কক আৰু ৰাচিন ৰবিন্দ্ৰ।
Continue Reading
