ডিজিটেল ডেস্ক : গহপুৰ সমজিলাৰ হেলেম ৰাজহচক্ৰৰ পাহাৰীয়া বুৰে নৈৰ পূব দিশৰ বৰগাং আঞ্চলিক বন বিভাগৰ চিংলিজান বনাঞ্চলৰ অন্তৰ্গত তিনি নং কাৰিবিল যুটীয়া বনাঞ্চল ব্যৱস্থাপনা সমিতিৰ অধীনত থকা গছ-গছনিৰ লগতে খেৰ প্ৰকৃতিৰ পৰিৱেশত বিভিন্ন প্ৰজাতিৰ পশু-পক্ষীৰ আশ্রয়স্থলৰ ৪০ হেক্টৰ বনাঞ্চলত কালি দিনৰ ভাগত আকস্মিকভাৱে জুই জ্বলি উঠে।
চিংলিজান বনাঞ্চলৰ কাউৰী পথাৰ বনচকী খণ্ড বন বিষয়াই জানিবলৈ দিয়া মতে অগ্নিকাণ্ডৰ কাৰণ জানিব পৰা নাই যদিও তিনিখন অগ্নি নির্বাপক গাড়ী আহি জুই নুমুৱাবলৈ সক্ষম হয়।
বিষয়াগৰাকীয়ে জানিবলৈ দিয়া মতে বনাঞ্চলখনৰ প্ৰায় ২০ হেক্টৰ মাটিৰ গছ-গছনি, খেৰ জুইত জাহ যায়।
উৎসঃ দৈনিক জনমভূমি
Continue Reading
