ডিজিটেল ডেস্ক : বাংলাদেশৰ অন্তৰ্ৱৰ্তী চৰকাৰৰ মুৰব্বী মহম্মদ ইউনুছ আৰু তেওঁ প্রতিষ্ঠা কৰা গ্রামীণ বেংকৰ বিৰুদ্ধে গুৰুতৰ অভিযোগ উঠিছে। বাংলাদেশৰ এটা সংবাদ মাধ্যমে মার্কিন সংবাদ মাধ্যম বাল ষ্ট্ৰীট জার্নেলত প্রকাশিত এটা প্রতিবেদনৰ ভিত্তিত অভিযোগ আনিছে যে মহম্মদ ইউনুছে প্রতিষ্ঠা কৰা বাংলাদেশৰ গ্রামীণ বেংকৰ সৈতে আল-কায়দাৰ বিত্তীয় সম্পর্ক আছিল।
সন্ত্রাসবাদী সংগঠন আল-কায়দাৰ নিহত মুৰব্বী ওছামা বিন লাডেনৰ পুঁজিপ্রাপ্ত আছিল এই বাংলাদেশৰ গ্ৰামীণ বেংকটো। উল্লেখযোগ্য যে মহম্মদ ইউনুছৰ গ্রামীণ বেংকৰ নেটৱৰ্কৰ জৰিয়তে তেওঁ আন্তঃৰাষ্ট্ৰীয় স্তৰত খ্যাতি লাভ কৰিছিল আৰু বাংলাদেশৰ অর্থনৈতিক সংস্কাৰ সাধন কৰাৰ বাবে ২০০৬ চনত আন্তঃৰাষ্ট্ৰীয় স্তৰৰ নোবেল শান্তি বঁটাও লাভ কৰিছিল।
এই গ্রামীণ বেংকৰ বাবেই এতিয়া মহম্মদ ইউনুছৰ বিৰুদ্ধে সন্ত্রাসবাদীৰ পুঁজি লোৱা বুলি বিস্ফোৰক অভিযোগ উত্থাপন হৈছে। বাংলাদেশী মিডিয়া প্রতিষ্ঠানটোত এটা অনুসন্ধানমূলক প্রতিবেদনত কোৱা হৈছে যে মহম্মদ ইউনুছৰ গ্রামীণ বেংকৰ নেটৱৰ্কত সেইসকল লোকে বিনিয়োগ কৰিছিল যিসকলে ওছামা বিন লাডেন আৰু আল-কায়দাৰ নেটৱৰ্কতো বিত্তীয় সাহায্য দিছিল। প্রতিবেদনখনত দাবী কৰা হৈছে যে পশ্চিমীয়া দেশসমূহৰ অনুসন্ধান সংস্থাবোৰে এই তথ্য দিছে। প্রতিবেদনখনত এইটোও কোৱা হৈছে যে আমেৰিকাৰ চি আই এৰ এখন প্রতিবেদন ইতিমধ্যে বাল ষ্ট্ৰীট জার্নেলত প্রকাশ পাইছে। ২০২৩ চনৰ মাৰ্চত বাল ষ্ট্ৰীট জার্নেলে চি আই এৰ এখন প্রতিবেদনৰ আধাৰত এটা স্তন্তলেখাত প্রকাশ কৰিছিল যে মহম্মদ আল-কায়দাৰ পৰা পুঁজি পাইছিল। এই প্রতিবেদনত ছৌডি আৰবৰ ব্যৱসায়ী মহম্মদ আব্দুল লতিফ জমিলৰ নামো আছে। জমিলে ৯/১১ৰ মাষ্টাৰমাইও বিন লাডেনৰ আল-কায়দাক বিত্তীয় সাহায্য দি আছিল।
উল্লেখযোগ্য যে আব্দুল লতিফ হৈছে মহম্মদ ইউনুছৰ গ্রামীণ মাইক্ৰ'ফাইনেন্স সংগঠনৰ ব'ৰ্ড সদস্য। জমিলে ইউনুছৰ সৈতে লগ লাগি গ্রামীণ জমিল মাইক্র'ফাইনেন্স নাম দি এটা বিত্তীয় প্রতিষ্ঠান বাংলাদেশত খুলিছিল। এই বিত্তীয় সংগঠনটোৰ ব্যৱসায় তুৰস্কতো আছে আৰু ইয়াৰ মুখ্য কার্যালয় ডুবাইত। এই জমিলেই ইউনুছৰ সৈতে লগ লাগি বাংলাদেশত মাইক্র' ফাইনেন্সৰ আন্দোলন চলাইছিল। এই তথ্য পোহৰলৈ অহাৰ লগে লগে এইটো প্রতিপন্ন হ'ল যে বাংলাদেশৰ অন্তৰ্বর্তী চৰকাৰৰ মুৰব্বী ইউনুছৰ ইছলামিক সন্ত্রাসবাদীৰ সৈতে সম্পর্ক আছে।
উৎসঃ দৈনিক জনমভূমি
Continue Reading
