সৰ্বকালৰ অভিলেখ ভাঙি মুক্তি ‘ৰৈ ৰৈ বিনালে’ ; প্ৰথম দৰ্শনী চাই শোকত বিহ্ৱল দৰ্শক

ডিজিটেল ডেস্ক : উৎকণ্ঠাৰ অন্ত পেলাই ছবিঘৰত মুক্তি পালে জুবিন গাৰ্গৰ অন্তিম ছবি ‘ৰৈ ৰৈ বিনালে'।

গুৱাহাটীৰ মেট্ৰিক্স চিনেমাছত পুৱতি নিশা ৪ বাজি ২৫ মিনিটত আৰম্ভ প্ৰথম দৰ্শনী। বুকুত হেজাৰ আৱেগৰ শিল লৈ ছবি গৃহলৈ ওলাই আহিল শ শ দৰ্শক । 

প্ৰাণৰ শিল্পী জুবিন গাৰ্গৰ অন্তিম চিনেমা ‘ৰৈ ৰৈ বিনালে’ আজি চিনেমাগৃহত মুক্তি পালে — কেৱল চিনেমা মুক্তিয়েই নহয়, এজন শিল্পীৰ আজীৱন সপোনৰ শিখৰত উপনীত হ’ল।

প্ৰথমটো দৰ্শনী আৰম্ভ হয় ৪:২৫ বজাত বেলতলাৰ ৰ মেট্ৰিক্স চিনেমা হলত।অভিলেখ সৃষ্টিৰে পুৱতি নিশা আৰম্ভ হ’ল দৰ্শনী । গুৱাহাটীৰ লগতে লখিমপুৰ ‘নক্ষত্ৰ’ত ৪.৩৫ বজাত দৰ্শনী

ধেমাজিৰ আৰ আৰ ছবিঘৰ ৪.৪৫ বজাত দৰ্শনী । ধেমাজিত দৰ্শনীৰ পূৰ্বে দৰ্শকে গালে ‘মায়াবিনী ৰাতিৰ বুকুত’ গীতেৰে তেওঁলৈ শ্ৰদ্ধাঞ্জলি ।

আজি যেন জুবিন গাৰ্গ পুনৰ উভতি আহিল । মেট্ৰিক্স চিনেমা হলত জুবিন গাৰ্গৰ বাবে সংৰক্ষিত কৰা হ'ল বিশেষ আসন । জুবিনদাৰ উপস্থিতিৰ সজীৱ অনুভৱ লৈ প্ৰেক্ষাগৃহত দৰ্শক । অসমৰ ৮৫টা ছবিঘৰত মুক্তি লাভ কৰিলে ‘ৰৈ ৰৈ বিনালে’ ছবিখন ।

উত্তৰ–পূবৰ অন্য ৰাজ্যৰ ৭খন স্ক্ৰীণত মুক্তি ‘ৰৈ ৰৈ বিনালে’। দেশৰ প্ৰায় ৭০টা ছবিঘৰত শুভমুক্তি ‘ৰৈ ৰৈ বিনালে’ । পুৱতি নিশা প্ৰথমবাৰলৈ অসমত চিনেমা প্ৰদৰ্শন । বেলতলাৰ মেট্ৰিক্সত ৮৫ৰ ঊৰ্ধ্বৰ দৰ্শকেও চালে ছবিখন

অসমৰ বাবে আজি কেৱল এখন চিনেমা মুক্তিৰ দিন নহয়। ই এক ইতিহাস। এক বিদায়ৰ গাথা। ই এক উদযাপন। ই হৈছে শোক। জুবিন গাৰ্গ মানেই আছিল গানৰ, সুৰৰ বৰষুণ । মহানগৰীত এজাক বৰষুণেৰে ছবিখনক আদৰণি ।