৭০-৮০ দশকৰ এভাগ কাহিনী লৈ পহিলা আগষ্টত আহি আছে 'কলাজ'

ডিজিটেল ডেস্কঃ ১ আগষ্ট তাৰিখে ৰাজ্যৰ ছবিগৃহতে মুক্তি লাভ কৰিব এখন নতুন অসমীয়া ছবি 'কলাজ'।

অমৰদীপ গগৈৰ পৰিচালনা আৰু চিত্ৰনাট্যৰে নিৰ্মিত এই ছবিখনৰ কাহিনী তথা প্ৰযোজনা সুমিত্ৰা হাজৰিকাৰ।

শীঘ্ৰে আহি আছে এখন অসমীয়া ছবি 'কলাজ'। শুকুৰবাৰে গুৱাহাটী প্ৰেছক্লাৱত মুকলি কৰা হয় ছবিখনৰ দুখনকৈ পোষ্টাৰ। উক্ত অনুষ্ঠানত উপস্থিত থাকে গুৱাহাটী উচ্চন্যায়লয়ৰ জ্যেষ্ঠ অধিবক্তা অৰূপ কুমাৰ বৰবৰা, সাহিত্য অকাডেমি বঁটা প্ৰাপক বিশিষ্ট সাহিত্যিক অনুৰাধা শৰ্মা বৰপূজাৰী সহিতে ছবিখনৰ সমূহ কলা-কুশলী।

ইফালে ছবিখনৰ চিত্ৰগ্ৰহণ নাহিদ আহমেদৰ। ছবিখনত অভিনয় কৰিছে কুল কুলদীপ, ৰাজীৱ কলিতা, দীপজ্যোতি কাকতি, মেঘালী কলিতা, দীপক তাঁতী , অপু অপূৰ্ব বৰ্মন, ৰাজু ৰয়, অন্তৰা জি জি চৌধুৰী, বিদ্যা ভাৰতী, কৃষ্ণা কল্যাণী, কাব্যশ্ৰী হাজৰিকা, লক্ষ্যজিত বৰুৱা, বিশ্বজিৎ বৰা, মহেন্দ্ৰ দাস, তুলিকা ৰাজখোৱা, অভয় দিচাং, প্ৰাণজিত, বিনোদ লাল দাস, দিলীপ গগৈৰ লগতে বিশাল গগৈয়ে। ছবিখনত সংগীতৰ দায়িত্ব বহন কৰিছে সৌৰভ মহন্তই, শব্দ গ্ৰহণ আৰু মিশ্ৰণ দেৱজিত গায়নৰ, ডি আই ঘনশ্যাম কলিতাৰ। সম্পাদনা ডৰেন্দ্ৰ অৰেবাম সিঙৰ। ৰূপসজ্জা পলি গগৈ।