শীঘ্ৰেই ভাৰতৰ মানচিত্ৰৰ পৰা অদৃশ্য হ'ব হিমাচল প্রদেশ

ডিজিটেল ডেস্ক : উচ্চতম ন্যায়ালয়ে শনিবাৰে হিমাচল প্রদেশত বর্তমানে সংঘটিত হৈ থকা প্রাকৃতিক দুৰ্যোগৰ বিষয়ত এক গুৰুত্বপূৰ্ণ মন্তব্য কৰে।

জলবায়ু পৰিৱৰ্তনৰ বাবে ৰাজ্যখনত সৃষ্টি হোৱা প্ৰবল বৰষুণ, আকস্মিক বান আৰু ভূমিস্খলনৰ ফলত জনজীৱনত ব্যাপক প্ৰভাৱ পৰাত উদ্বেগ প্ৰকাশ কৰি উচ্চতম ন্যায়ালয়ে কয় যে হিমাচল প্ৰদেশৰ অৱস্থা ক্ৰমাৎ বেয়াৰ পৰা শোচনীয় হৈ পৰিছে আৰু এই বিষয়টো দেশৰ বাবে উদ্বেগজনক বিষয় হৈ পৰিছে।

শীৰ্ষতম আদালতখনে হিমাচল প্ৰদেশত পৰিৱেশগত ভাৰসাম্যহীনৰ বিষয়টোত উদ্বেগ প্রকাশ কৰি কয় যে যদি পৰিস্থিতি সলনি নহয়, তেনেহ'লে হিমাচল প্রদেশ দেশৰ মানচিত্ৰৰ পৰা নোহোৱা হ'বলৈ আৰু বেছি দিন নাই। উচ্চতম ন্যয়ালয়ৰ ন্যায়াধীশ জে বি পাৰ্দিৱালা আৰু আৰ মহাদেৱনৰে গঠিত এখন বিচাৰপীঠে কয়, 'আমি ৰাজ্য চৰকাৰ আৰু কেন্দ্ৰীয় চৰকাৰক মনোযোগ দিবলৈ আহ্বান জনাইছোঁ যে ৰাজহ উপাৰ্জন কৰাটোৱে সকলো নহয়। পৰিৱেশৰ বিনিময়ত ৰাজহ উপাৰ্জন কৰিব পৰা নাযায়। যদি আজিৰ তাৰিখৰ দৰে ঘটনাক্রম চলি থাকে, তেনেহ'লে দেশৰ মানচিত্ৰৰ পৰা হিমাচল প্রদেশ অদৃশ্য হৈ বায়ুত বিলীন হ'ব। ভগৱানে এই ধৰণৰ পৰিঘটনা হ'বলৈ যাতে নিদিয়ে।'

উল্লেখযোগ্য যে হিমাচল প্রদেশ উচ্চ ন্যায়ালয়ৰ এটা আদেশৰ বিৰুদ্ধে দাখিল কৰা আৱেদনৰ শুনানি লৈ ২৮ জুলাইত উচ্চতম ন্যায়ালয়ে এইদৰে কয়। ৰাজ্যখনৰ এটা নির্দিষ্ট অঞ্চল 'সেউজ এলেকা' ঘোষণা কৰিবলৈ এখন অধিসূচনা বিচাৰি দাখিল কৰা আৱেদনখন গ্রহণ কৰিবলৈ অস্বীকাৰ কৰিছিল হিমাচল উচ্চ ন্যায়ালয়যায়ালয়ে। উৎসঃ দৈনিক জনমভূমি