বিশ্বৰ বিভিন্ন দেশত ইৰানৰ অস্ত্র-শস্ত্ৰ নিৰ্মাণকাৰী কাৰখানা আছে

ডিজিটেল ডেস্ক : ইজৰাইলৰ সৈতে এখন ভয়ংকৰ আকাশী যুদ্ধ কৰাৰ দুমাহৰ পাছত ইৰানে কয় যে বিশ্বৰ বিভিন্ন দেশত তেওঁলোকৰ অস্ত্র-শস্ত্ৰ নিৰ্মাণৰ কাৰখানা আছে। ইৰানৰ প্ৰতিৰক্ষা ।

মন্ত্ৰী আজিজ নাছিৰজাদেহে কয় যে ইছলামিক দেশখনে বিভিন্ন দেশত ইয়াৰ অস্ত্র-শস্ত্ৰ নিৰ্মাণকাৰী কাৰখানা স্থাপন কৰিছে। ইৰানৰ নিউজ এজেন্সি 'ইয়ং জার্নেলিষ্ট ক্লাব'ৰ সৈতে হোৱা এটা টেলিভিছন সাক্ষাৎকাৰত প্ৰতিৰক্ষা মন্ত্ৰীজনে এই মন্তব্য কৰে। নাছিৰজাদেহে কয় যে ইৰানৰ সামৰিক বাহিনীৰ বাবে এটা কেন্দ্রীভূত বিষয় হ'ল যে দেশখনে সদায় ক্ষেপণাস্ত্ৰ বিকাশত গুৰুত্ব দিব লাগে। ইজৰাইলৰ সৈতে যুদ্ধৰ পাছত এই অগ্রাধিকাৰ সলনি হ'ব পাৰে। প্ৰতিৰক্ষা মন্ত্ৰীজনে কয় যে

বিভিন্ন দেশত থকা অস্ত্র-শস্ত্র নিৰ্মাণৰ কাৰখানাসমূহৰ বিষয়ে ভৱিষ্যতে আনুষ্ঠানিকভাৱে ঘোষণা কৰাৰ সম্ভাৱনা আছে। দেশখনৰ সামৰিক শক্তিৰ বিকাশৰ বিষয়ত মন্তব্য কৰি নাছিৰজাদেহে কয় যে যোৱা বছৰসমূহত ইৰানে নতুন অস্ত্র-শস্ত্র, ক্ষেপণাস্ত্ৰৰ সফল পৰীক্ষা কৰিছে। তেওঁ ইজৰাইলক হুংকাৰ দি কয় যে দুয়োখন দেশৰ মাজত যদি ১২ দিনীয়া যুদ্ধখন দীঘলীয়া হ'লেহেঁতেন, তেনেহ'লে ইৰানৰ ক্ষেপণাস্ত্ৰৰ আক্ৰমণত ইজৰাইল বিধ্বস্ত হ'লহেঁতেন।

উৎসঃ দৈনিক জনমভূমি