কেৱল ভাৰতেহে মধ্যপ্রাচ্যৰ যুদ্ধ বন্ধ কৰিব পাৰিব, আৰ এছ এছৰ মুৰব্বী মোহন ভাগৱতৰ মন্তব্য

ডিজিটেল ডেস্ক : 'বিশ্বৰ জনতাই শান্তি-সম্প্ৰীতিৰ পৰিৱেশ বিচাৰে, যুদ্ধ নহয়। ভাৰত সদায় মানৱীয়তাৰ পক্ষত আছে আৰু সেই বাবেই মধ্যপ্রাচ্যৰ যুদ্ধখন বন্ধ কৰাত একমাত্ৰ ভাৰতেহে পদক্ষেপ ল'ব পাৰিব বুলি বিশ্ব সম্প্রদায়ে আশা কৰিছে।'এই মন্তব্য ৰাষ্ট্ৰীয় স্বয়ংসেৱক সংঘৰ (আৰ এছ এছ) মুৰব্বী মোহন ভাগৱতৰ। 

শুকুৰবাৰে নাগপুৰত আৰ এছ এছৰ বিদৰ্ভ প্রান্ত কাৰ্যালয়ৰ শিলান্যাস কৰি ভাগৱতে কয় যে ইৰানৰ বিৰুদ্ধে ইজৰাইল আৰু আমেৰিকাই অব্যাহত ৰখা যুদ্ধখনৰ সমাপ্তি ঘটোৱাৰ প্ৰয়োজন আহি পৰিছে। যুদ্ধখনৰ অন্ত পেলোৱাৰ ক্ষেত্ৰত মুখ্য ভূমিকা ল'বলৈ বিশ্বৰ বিভিন্ন দেশে ভাৰতক আহ্বান জনাইছে। কাৰণ ভাৰতৰ প্ৰকৃতিয়েই হৈছে শান্তি-সম্প্রীতি আৰু মানৱীয়তাৰ পক্ষত থিয় দিয়া। 

তেওঁ কয় যে অশান্ত বিশ্বত 'ধৰ্মৰ ভেটি' স্থাপনেৰে সুস্থিৰ পৰিৱেশ ঘূৰাই অনাৰ দায়িত্ব ভাৰতৰ। ভাগৱতে আৰু কয় যে ভাৰতৰ মানুহে মানৱীয়তাৰ বিধিসমূহ মানি চলে, কিন্তু বিশ্বৰ অৱশিষ্ট অংশই অৰণ্যৰ নিয়মহে অনুসৰণ কৰে। গতিকে যুদ্ধ বন্ধ কৰি শান্তি প্রতিষ্ঠাৰ দায়িত্ব ভাৰতৰ।

উৎসঃ দৈনিক জনমভূমি