ৰাষ্ট্ৰপতি মুর্মুক সাক্ষাৎ প্ৰধানমন্ত্ৰীৰ

ডিজিটেল ডেস্ক : প্রধানমন্ত্রী নৰেন্দ্ৰ মোদীয়ে দেওবাৰে ৰাষ্ট্ৰপতি ভৱনত ৰাষ্ট্ৰপতি দ্রৌপদী মুর্মুক সাক্ষাৎ কৰে।

ৰাষ্ট্ৰপতি ভৱনৰ তৰফৰ পৰা সামাজিক মাধ্যমৰ জৰিয়তে এই বাতৰি দিয়ে। সামাজিক মাধ্যমত ৰাষ্ট্ৰপতি ভৱনে ৰাষ্ট্ৰপতি মুর্মু আৰু প্রধানমন্ত্রী মোদীৰ এখন ফটো প্রকাশ কৰি ইয়াৰ তলত লিখে, 'প্রধানমন্ত্রী নৰেন্দ্ৰ মোদীয়ে ৰাষ্ট্ৰপতি ভৱনত ৰাষ্ট্ৰপতি দ্রৌপদী মুর্মুক সাক্ষাৎ কৰে'। প্ৰধানমন্ত্ৰীয়ে ৰাষ্ট্ৰপতিৰ সৈতে কি আলোচনা কৰিলে সেই কথা প্রকাশ কৰা নাই।

উল্লেখযোগ্য যে বিহাৰত ভোটাৰ তালিকাৰ বিশেষ ব্যাপক সংশোধনৰ প্ৰসংগত আলোচনাৰ দাবী কৰি সংসদত বিৰোধী পক্ষই অচলাৱস্থাৰ সৃষ্টি কৰাৰ সময়তে প্ৰধানমন্ত্ৰীয়ে ৰাষ্ট্ৰপতিক সাক্ষাৎ কৰে।

সূত্ৰসমূহে প্ৰকাশ কৰা অনুসৰি প্ৰধানমন্ত্ৰীয়ে ৰাষ্ট্ৰপতিৰ সৈতে এই বিষয়টোক লৈও আলোচনা কৰে। উল্লেখযোগ্য যে আমেৰিকাৰ ৰাষ্ট্ৰপতি ড'নাল্ড ট্রাম্পে ভাৰতীয় সামগ্ৰীত ২৫% শুল্ক আৰু ৰাছিয়াৰ পৰা খাৰুৱা তেল ক্ৰয়ৰ কাৰণে জৰিমনা আৰোপ কৰিব বুলি কৰা ঘোষণাৰ পাছতে প্রধানমন্ত্রীয়ে ৰাষ্ট্ৰপতিক সাক্ষাৎ কৰে।

উৎসঃ দৈনিক জনমভূমি