ছিংগাপুৰত অনুষ্ঠিত হ'ব নৰ্থ ইষ্ট ইণ্ডিয়া ফেষ্টিভেল

ডিজিটেল ডেস্কঃ অসম তথা উত্তৰ পূৰ্বৰ বাণিজ্য,পৰ্যটন, সাংস্কৃতিক সমন্বয়েৰে ছিংগাপুৰত নৰ্থ ইষ্ট ইণ্ডিয়া ফেষ্টিভেল অনুষ্ঠিত হ'বলৈ গৈ আছে।উত্তৰ-পূবৰ কৃষি-পর্যটনক এখন বৃহৎ বজাৰ দিয়াৰ লগতে বিশ্ববাসীৰ আগত এই সমূহ তুলি ধৰাৰ প্ৰয়াসৰে এই ফেষ্টিভেলৰ আয়োজন ।

অহা ১৯, ২০ আৰু ২১ ছেপ্টেম্বৰত ছিংগাপুৰৰ বিখ্যাত ছানটেক চেণ্টাৰত আয়োজন হ'ব এই ফেষ্টিভেল।ভাৰতৰ প্ৰধানমন্ত্ৰী নৰেন্দ্ৰ মোদী ডাঙৰীয়াৰ আদৰ্শৰে ভাৰতৰ পূবলৈ চোৱা নীতিৰ লক্ষ্যৰে দেশখনৰ সৰ্ববৃহৎ প্রকল্প নর্থ ইষ্ট ইণ্ডিয়া ফেষ্টিভেল আয়োজন কৰা হৈছে।

বাণিজ্য, কৃষি, হস্তশিল্পক প্রাধান্য দিয়া হয় এই ফেষ্টিভেলত। এই অনুষ্ঠানটোত উত্তৰ-পূবৰ বিভিন্ন ৰাজ্যৰ মন্ত্ৰীসকলৰ লগতে বহুকেইজন কেন্দ্রীয় মন্ত্রী উপস্থিত থাকিব। উত্তৰ-পূবৰ প্ৰায় ৫০০ প্রতিনিধিয়ে অংশ ল'বলগীয়া এই অনুষ্ঠান ছিংগাপুৰত ভাৰতৰ সৰ্ববৃহৎ অনুষ্ঠান।

৪ কোটি ব্যয় সাপেক্ষে অনুষ্ঠিত হ'ব এই অনুষ্ঠান। সংবাদমেল আয়োজন কৰি শ্যামকানু মহন্তই এই কথা উল্লেখ কৰে ।