গোৱাত বিশ্বৰ ভিতৰত সর্বোচ্চ ৰামৰ মূর্তি উন্মোচন প্ৰধানমন্ত্ৰীৰ

ডিজিটেল ডেস্ক : প্রধানমন্ত্রী নৰেন্দ্ৰ মোদীয়ে কালি দক্ষিণ গোৱাৰ ঐতিহাসিক শ্রীসংস্থান গোকর্ন জীবোত্তম মঠত ভগৱান ৰামৰ ৭৭ ফুট উচ্চতাৰ এটা মূর্তি উন্মোচন কৰে। প্রখ্যাত মূর্তিনিৰ্মাতা ৰাম সুতাৰে এই ব্ৰঞ্জৰ মূৰ্তিটো নিৰ্মাণ কৰিছে। প্ৰধানমন্ত্ৰীয়ে কালি উন্মোচন কৰা মূৰ্তিটো বিশ্বৰ ভিতৰতে সর্বোচ্চ ৰামৰ মূৰ্তি বুলি কোৱা হৈছে। 

প্রধানমন্ত্রীয়ে এই উপলক্ষত দিয়া ভাষণত কয়, 'অযোধ্যাত ৰাম মন্দিৰৰ ওপৰত পৱিত্ৰ ধ্বজ উত্তোলন কৰাৰ কেইদিনমানৰ পাছতে আজি বিশ্বৰ ভিতৰতে সর্বোচ্চ ভগৱান ৰামৰ মূৰ্তি মুকলি কৰাৰ সুযোগ লাভ কৰি অত্যন্ত সুখী হৈছোঁ।' মূর্তিটো মুকলি কৰাৰ লগতে প্ৰধানমন্ত্ৰীয়ে মঠৰ ৫০০ বছৰীয়া পৰম্পৰাৰ বিষয়ে জানিবলৈ পাই তেওঁ ভাৰতীয় হিচাপে যথেষ্ট গৌৰৱবোধ কৰিছে। এই মন্দিৰটো গোৱাৰ পর্তুগীজ প্রাধান্য এলেকা কানাকোনাত আছে। ইয়াৰ এদিন আগতে বৃহস্পতিবাৰে প্ৰধানমন্ত্ৰীয়ে কৰ্ণাটকৰ উডুপিত শ্রীকৃষ্ণ মঠত পূজা-অর্চনা কৰে। ইয়াত তেওঁ সুবর্ন তীর্থ মণ্ডপ মুকলি কৰাৰ লগতে সোণৰ কলহ আগবঢ়ায়। 

ইয়াৰ পাছত প্রধানমন্ত্রীয়ে প্রায় এক লাখ লোকৰ সৈতে শ্রীমদ্ভাগবত গীতা পাঠ কৰে। প্রধানমন্ত্রীয়ে ইয়াত দিয়া ভাষণত কয়, 'ভাগৱত গীতাই আমাক এই শিকনি দিয়ে যে শান্তি আৰু সত্য ঘূৰাই অনাৰ কাৰণে অত্যাচাৰীৰ অন্ত পেলোৱাটো অতি প্রয়োজনীয়। ই ৰাষ্ট্ৰীয় নিৰাপত্তা নীতিৰ সাৰাংশ বুলি তেওঁ কয়। প্রধানমন্ত্রীয়ে কয় উডুপি আৰ এছ এছ আৰু বিজেপিৰ সুশাসনৰ আদৰ্শৰ কৰ্মভূমি।

উৎসঃ দৈনিক জনমভূমি