--°C
Loading...
Listen to Article
3 min read
80%

In Short

  • চাহ গছৰ পুৰণি মুঢ়া যাক সাধাৰণতে নষ্ট বুলি ধৰা হয়, সেই অমূল্য সামগ্ৰীৰে তেওঁ নিৰ্মাণ কৰিছে দৃষ্টি নন্দন সৃষ্টি

ডিজিটেল ডেস্কঃ এটা পুৰণি চাহ গছৰ মুঢ়াও হ’ব পাৰে শিল্পৰ ভঁৰাল৷ অমৃত হাজৰিকা নামৰ এজন ব্যক্তিয়ে চাহ গছৰ মুঢ়াবোৰ সংগ্ৰহ কৰি নিজৰ হাতৰ পৰশত ৰূপ দিয়ে জীৱ-জন্তু, মানুহৰ মূৰ্তি, ঐতিহ্যবাহী কৃষ্টি-সংস্কৃতিৰ প্ৰতিচ্ছবি, ট্ৰফি, বিভিন্ন চিহ্ন ৷


চাহ গছৰ পুৰণি মুঢ়া যাক সাধাৰণতে নষ্ট বুলি ধৰা হয়, সেই অমূল্য সামগ্ৰীৰে তেওঁ নিৰ্মাণ কৰিছে দৃষ্টি নন্দন সৃষ্টি ৷এইজন নিৰৱ ভাস্কৰ্য শিল্পী, অমৃত কুমাৰ হাজৰিকা। ওৰাং চাহ বাগিচাৰ অৱসৰপ্ৰাপ্ত কৰ্মচাৰী আৰু বৰ্তমানে ওৰাংৰ শইকীয়া চুবুৰীৰ নিবাসী অমৃত হাজৰিকাই নিজৰ শিল্পসাধনাৰে প্ৰমাণ কৰিছে—সৃষ্টিশীলতা কোনো পৰিসীমাত বন্ধ নহয়।


পেলনীয়া চাহ গছে যেতিয়া উৎপাদন ক্ষমতা হেৰুৱায়, তেতিয়া সেই গছবোৰ উঠাই পেলোৱা হয়। কিন্তু হাজৰিকাৰ বাবে সেই মুঢ়াবোৰ হ’ল এক শিল্পৰ সম্ভাৰ। তেওঁ উঠাই পেলুৱা এই চাহ গছৰ মুঢ়াবোৰ সংগ্ৰহ কৰি নিজৰ হাতৰ পৰশত ৰূপ দিয়ে জীৱ-জন্তু, মানুহৰ মূৰ্তি, ঐতিহ্যবাহী কৃষ্টি-সংস্কৃতিৰ প্ৰতিচ্ছবি, ট্ৰফি, বিভিন্ন চিহ্ন আৰু অলংকাৰিক সামগ্ৰীত। তেওঁৰ প্ৰতিটো সৃষ্টি যেন এক নিৰৱ কাব্য—যি কাষ চাপিলে অনুভৱ হয় শিল্পৰ গভীৰতা।বিশেষ কথা এই যে, অমৃত হাজৰিকাই নিজৰ কোনো সৃষ্টি বিক্ৰী নকৰে। উপহাৰ হিচাপে, আন্তৰিকতা আৰু সন্মানৰ ৰূপত তেওঁ সেইবোৰ আগবঢ়ায়। তেওঁৰ সৃষ্টি ইতিমধ্যে দেশৰ বহু প্ৰান্তৰ লগতে আমেৰিকাৰো কেইবাটাও গৃহত স্থান লাভ কৰিছে। শিল্পৰ সৈতে কোনো বানিজ্যিক উদ্দেশ্য নথকা এই সৃষ্টি আজিৰ যুগত এক ব্যতিক্ৰম উদাহৰণ।অমৃত হাজৰিকাৰ দৰে শিল্পীয়ে প্ৰমাণ কৰিছে যে সৃষ্টি মাথোঁ কাপোৰ, শিল-পাথৰত বা ৰঙত সীমাবদ্ধ নহয়। এটা পুৰণি চাহ গছৰ মুঢ়াও হ’ব পাৰে এক শিল্পৰ ভঁৰাল৷ যেতিয়া তাত স্পৰ্শ পায় এটা সৃষ্টিশীল মন। তেওঁক দেখি উপলব্ধি হয়—নিশব্দে কৰা কামৰো প্ৰভাৱ গভীৰ হয়, যদি তাৰ আধাৰত থাকে মৰম, নিষ্ঠা আৰু সমাজৰ প্ৰতি দায়িত্ববোধ।



FOLLOW US F
POPULAR
FEATURE
TRENDY
মাজুলীৰ পৰ্যটন ক্ষেত্ৰখনক নতুন মাত্ৰা প্ৰদানৰ লক্ষ্য; আহি আছে দুমহলীয়া পর্যটক বাছ ‘পুষ্পক’
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী