ডিজিটেল ডেস্কঃ দেহৰ সৌষ্ঠৱ বৃদ্ধি কৰিবলৈ বলীউডৰ তাৰকাসকলে ভিন্ন খাদ্যবস্তু খোৱা দেখা যায়। অজয় দেৱগণে (Ajay Devgn) নিজৰ শৰীৰৰ সুষমা ধৰি ৰাখিবৰ বাবে ঘোঁৰাৰ গাখীৰ খোৱা বুলি শেহতীয়াকৈ এক সাক্ষাৎকাৰত প্ৰকাশ কৰিছে। অভিনেতাজনে কৈছিল যে তেওঁ ৰাছিয়ালৈ গৈ ঘোঁৰাৰ গাখীৰ খাইছিল। অজয়ে এইটোও দাবী কৰে যে ঘোঁৰাৰ গাখীৰে শৰীৰৰ ওজন হ্ৰাস কৰাত সহায় কৰে।
অজয়ে দেৱগণে সাক্ষাৎকাৰত কয় যে তেওঁ বিশ বছৰৰ আগতে ৰাছিয়ালৈ গৈছিল আৰু তাত তেওঁ ঘোঁৰাৰ গাখীৰ খাইছিল। অজয়ৰ মতে সেই সময়ত ৰাছিয়াত আহাৰ গ্ৰহণৰ পিছত ঘোঁৰাৰ গাখীৰ খোৱাৰ প্ৰথা প্ৰচলিত আছিল। ইয়াৰ সোৱাদ চ'ডাৰ দৰে। এই গাখীৰত এচিডৰ পৰিমাণ ইমান বেছি যে পান কৰাৰ লগে লগে শৰীৰ গৰম হৈ পৰে। এনে অনুভৱ হয় যেন এক শক্তিশালী পানীয় পান কৰি থকা হৈছে।
অজয়ে এইটোও দাবী কৰে যে ওজন হ্ৰাসৰ বাবে ঘোঁৰাৰ গাখীৰ অতি উপযোগী। অজয় দেৱগণে লগতে কয় ঘোঁৰাৰ গাখীৰত ইমান এচিড থাকে যে সকলো খাদ্য হজম হয়, পেটৰ চৰ্বিও হ্ৰাস হয়। উল্লেখ্য যে যদিও ঘোঁৰাৰ গাখীৰ খুব জনপ্ৰিয় নহয়, মধ্য এছিয়া আৰু ইউৰোপৰ কিছু অংশত ঘোঁৰাৰ গাখীৰ খায় জনসাধাৰণে। বিশেষকৈ কিৰগিজস্তানৰ ওচৰৰ অঞ্চলবোৰত বহুতো স্থানীয় লোকে ঘোঁৰাৰ গাখীৰ খায়।
অৱশ্যে বিশেষজ্ঞসকলে কয় যে এই গাখীৰত কিমান পুষ্টি আছে সেই বিষয়ে অধিক বিতং গৱেষণাৰ প্ৰয়োজন আছে। গতিকে এনে পানীয় খোৱাৰ আগতে বিশেষজ্ঞৰ পৰামৰ্শ লোৱাটো বিচক্ষণতাৰ পৰিচায়ক।
