ডিজিটেল ডেস্কঃ ব্ৰীকছ সন্মিলনত অংশগ্ৰহণৰ বাবে ৰাছিয়াত উপস্থিত হৈছে প্ৰধানমন্ত্ৰী নৰেন্দ্ৰ মোদী।উপস্থিত হোৱাৰ লগে লগে ভাৰতীয় সম্প্ৰদায়ৰ জনসাধাৰণৰ উপৰিও ৰাছিয়াৰ নাগৰিকেও প্ৰধানমন্ত্ৰী মোদীক আদৰণি জনায়। এই আদৰণিৰ এখন ফটো বৰ্তমান ছ’চিয়েল মিডিয়াত ভাইৰেল হৈ পৰিছে। এই ছবিখনত ৰাছিয়াৰ পৰম্পৰাগত সাজ-পোছাক পৰিধান কৰা দুগৰাকী ৰাছিয়ান যুৱতীক প্ৰধানমন্ত্ৰী মোদীক আদৰণি জনোৱা দেখা গৈছে । আজি এই প্ৰতিবেদনৰ জৰিয়তে এই পোছাকৰ বিশেষত্ব আৰু ইয়াৰ ইতিহাসৰ বিষয়ে জানো আহক ৷
ৰাছিয়াৰ সংস্কৃতিত পৰম্পৰাগত সাজ-পোছাকৰ ওপৰত বিশেষ গুৰুত্ব দিয়া হয়। ৰাছিয়াৰ মানুহে প্ৰায়ে উৎসৱ, বিয়া বা সন্মানীয় বিদেশী অতিথিক আদৰণি জনোৱাৰ সময়ত পৰম্পৰাগত সাজ-পোছাক পৰিধান কৰে। ফটোখনত দেখা মহিলাসকলে পিন্ধা পৰম্পৰাগত কাপোৰৰ নাম ছাৰফান। এই ধুনীয়া পোছাকৰ ইতিহাস আৰু ইয়াৰ লগত জড়িত কাহিনী আৰু অধিক আকৰ্ষণীয়।
ৰাছিয়াৰ সমাজত ছাৰফান কেতিয়া আহিল সেই বিষয়ে বিভিন্ন ইতিহাসবিদে বিভিন্ন মতামত দিয়ে। কিন্তু বেছিভাগ ইতিহাসবিদৰ মতে এই পোছাক ৰাছিয়াৰ জনসাধাৰণৰ মাজত পঞ্চদশ আৰু ১৭ শতিকাৰ ভিতৰত জনপ্ৰিয় হৈ পৰিছিল। আচলতে ১৬ আৰু ১৭ শতিকাত ৰাছিয়াত সামন্তীয় ব্যৱস্থা আছিল। ইয়াৰ বাবেই ছাৰফান কেৱল ফেশ্বনেবল বস্ত্ৰত পৰিণত হোৱাই নহয়, ই জনসাধাৰণৰ সামাজিক মৰ্যাদাৰ প্ৰতীক হৈ পৰিল। বিশেষকৈ সমাজৰ উচ্চ শ্ৰেণীৰ মহিলাসকলে এই পোছাক পৰিধান কৰিছিল।
কিন্তু লাহে লাহে ই সাধাৰণ মানুহৰ মাজতো জনপ্ৰিয় হৈ পৰিল আৰু এতিয়া ইয়াক বেছিভাগ ৰাছিয়াৰ চাইবেৰিয়ান অঞ্চলৰ মহিলাসকলে পৰিধান কৰে। ৰাছিয়াৰ লোককথা আৰু গীততো ছাৰফানৰ কথা উল্লেখ আছে। ৰাছিয়াত ইয়াক কেৱল বস্ত্ৰ হিচাপেই গণ্য কৰা নহয়, ইয়াক ৰাছিয়ান সংস্কৃতিৰ আত্মাৰ অংশ বুলিও গণ্য কৰা হয়। এই কাৰণেই আধুনিক সাজ-পোছাকৰ প্ৰচলনৰ পাছতো ৰাছিয়াৰ মানুহে বিশেষ অনুষ্ঠানত নিজৰ পৰম্পৰাগত সাজ-পোছাক পৰিধান কৰে।
Continue Reading
