ডিজিটেল ডেস্কঃ ভাগৰ দূৰ কৰিবলৈ শক্তিবৰ্ধক পানীয়ৰ ওপৰত বহুতেই নিৰ্ভৰ কৰে। কিন্তু এনে এনাৰ্জী ড্ৰিংকবোৰ আমাৰ স্বাস্থ্যৰ বাবে কিমান উপযোগী? এনে এনাৰ্জী ড্ৰিংকে দেহৰ উপকাৰ সাধন কৰাৰ সলনি অপকাৰহে সাধে বুলি বহুতে কৈ আহিছে। শেহতীয়াকৈ কেলিফ’ৰ্নিয়াৰ এজন লোক এনাৰ্জী ড্ৰিংকৰ প্ৰতি অধিক আসক্ত হৈ পৰাৰ বাবেই তেওঁৰ লাওখোলাৰ এটা অংশ হেৰুৱাবলগাীয়া হৈছে।
দৰাচলতে কেফেইনযুক্ত পানীয় খোৱাৰ গুৰুতৰ প্ৰতিক্ৰিয়া হ'ব পাৰে। এনাৰ্জী ড্ৰিংকত কেফেইনৰ বাহিৰেও আন কেইবাটাও উপাদান থাকে যিবোৰ স্বাস্থ্যৰ বাবে ক্ষতিকাৰক হ'ব পাৰে।
কেলিফৰ্ণিয়াৰ এজন ব্যক্তিয়ে এনাৰ্জী ড্ৰিংকৰ পৰিণাম ভুগিছে। অত্যাধিক এনাৰ্জী ড্ৰিংক খোৱাৰ বাবে তেওঁ তেওঁৰ লাওখোলাৰ এটা অংশ হেৰুৱাবলগীয়া হৈছে।এটা ফেচবুক পোষ্টত এগৰাকী মহিলাই তেওঁৰ স্বামীৰ এনে কৰুণ পৰিণতিৰ বিষয়ে উল্লেখ কৰিছে। মহিলাগৰাকীয়ে প্ৰকাশ কৰা মতে অত্যাধিক শক্তিবৰ্ধক পানীয় গ্ৰহণ কৰাৰ ফলত তেওঁৰ স্বামীৰ মস্তিষ্কৰ ৰক্তক্ষৰণ হৈছিল। ব্ৰিয়ানাই প্ৰকাশ কৰিছে যে তেওঁৰ স্বামী অষ্টিনেঅত্যধিক শক্তিবৰ্ধক পানীয় গ্ৰহণ কৰিছিল।
এদিন ব্ৰিয়ানাই জানিব পাৰিলে যে তেওঁৰ স্বামীৰ মস্তিষ্কৰ ৰক্তক্ষৰণ হৈছে আৰু তেওঁ হঠাতে কোমালৈ গুচি গৈছে। চিকিৎসকসকলে প্ৰকাশ কৰে যে লোকজনে নিতৌ অত্যধিক মাত্ৰাত শক্তিবৰ্ধক পানীয় গ্ৰহণ কৰাৰ বাবেই এনে ঘটনা ঘটিবলৈ পালে। ফলত সলোক জনৰ একাধিক মগজুৰ অস্ত্ৰোপচাৰ কৰিবলগীয়া হয়। অস্ত্ৰোপচাৰ কৰাৰ ফলতে অষ্টিনে তেওঁৰ লাওখোলাৰ সন্মুখৰ অংশটো হেৰুৱাবলগীয়া হয়। । লোক জনে সম্পূৰ্ণৰূপে আৰোগ্য হ’বলৈ দীঘলীয়া সময়ৰ প্ৰয়োজন হ’ব বুলি চিকিৎসকে প্ৰকাশ কৰিছে।
Continue Reading
