ডিজিটেল ডেস্ক : মনোজ কুমাৰৰ 'ৰুটি, কাপড়া ঔৰ মকান' তথা টিভি ধাৰাবাহিক 'ওম নমঃ শিৱায়ে' আৰু 'আদালত' প্রযোজনাৰ বাবে খ্যাত প্রবীণ অভিনেতা-প্রযোজক-পৰিচালক ধীৰাজ কুমাৰৰ ৭৯ বছৰ বয়সত মুম্বাইৰ এখন চিকিৎসালয়ত মৃত্যু হয়।
তেওঁৰ পৰিয়ালৰ এজন বন্ধুৱে সংবাদ মাধ্যমক এই কথা জনায়। কুমাৰে গুৰুতৰ নিমোনিয়াত ভুগি আছিল আৰু তেওঁক কোকিলাবেন ধীৰুভাই আম্বানি হস্পিটেলত ভর্তি কৰা হৈছিল।
মঙলবাৰে আগবেলা ১১ বজাত তেওঁৰ মৃত্যু হয়। ১৯৭০ চনত 'ৰাতোঁ কা ৰাজা'ৰে চলচ্চিত্ৰৰ জীৱন আৰম্ভ কৰা ধীৰাজ কুমাৰে কেইবাখনো হিন্দী-পঞ্জাবী চলচ্চিত্রত অভিনয় কৰিছে। তেওঁ অভিনীত উল্লেখযোগ্য দুখনমান চলচ্চিত্র হ'ল 'ৰুটি, কাপড়া ঔৰ মকান' (১৯৭৪), 'সৰগম' (১৯৭৯) আৰু 'ক্রান্তি (১৯৮১)।
উৎসঃ দৈনিক জনমভূমি
Continue Reading
