পিতৃ-মাতৃ হ’ল সিদ্ধাৰ্থ-কিয়াৰা, অনুৰাগীৰ মাজত আনন্দৰ লহৰ

ডিজিটেল ডেস্ক: বৈবাহিক জীৱনৰ দুটা বছৰৰ মূৰত চেলিব্ৰিটি দম্পত্তি কিয়াৰা আদৱানী আৰু সিদ্ধাৰ্থ মলহোত্ৰাৰ জীৱনলৈ আহিছে ভাল খবৰ ।

প্ৰথম বাৰৰ বাবে এগৰাকী মৰমলগা কন্যা সন্তানৰ মুখ দেখিলে বলীউডৰ এই দুই তাৰকাই ।

এক প্ৰতিবেদন অনুসৰী, যোৱা ১৫ জুলাইৰ সন্ধিয়া মুম্বাইৰ ৰিলায়েন্স হাস্পতালত স্বাভাৱিক প্ৰসৱৰ জৰিয়তে শিশুটিৰ জন্ম হয়।

খবৰটিয়ে তেওঁলোকৰ পৰিয়াললৈ অপৰিসীম আনন্দ কঢ়িয়াই আনিছে। নাতিনীয়েকৰ আগমনৰ উদযাপন কৰি চিকিৎসালয়ত দেখা গ’ল সিদ্ধাৰ্থৰ পিতৃ-মাতৃক। ইনষ্টাগ্ৰামত আনুষ্ঠানিক ভাৱে এই খবৰটো ঘোষণা কৰি হৃদয়ৰ আনন্দৰ বহিপ্ৰকাশ কৰে দম্পত্তিহালে। অভিনেতাগৰাকীয়ে পোষ্টটোত লিখিছে, "কন্যা সন্তান প্ৰাপ্তীৰে আমাৰ হৃদয় আনন্দৰে ভৰি পৰিছে, আমাৰ পৃথিৱীখন সম্পূৰ্ণৰূপে সলনি হৈছে, আমি এগৰাকী কন্যা সন্তানৰ সৈতে ধন্য হৈছো। কিয়াৰা আৰু সিদ্ধাৰ্থ।"

উল্লেখ্য যে ফেব্ৰুৱাৰী ২০২৫ত শ্বেৰ শ্বাহৰ তাৰকাসকলে এটা মৰমলগা ছ’চিয়েল মিডিয়া পোষ্টৰ জৰিয়তে গৰ্ভধাৰণৰ কথা ঘোষণা কৰিছিল। ছৱিখনত কিয়াৰা আৰু সিদ্ধাৰ্থৰ হাতত সৰু সৰু মোজা দেখা গৈছে। ফটোখনৰ কেপচনত কিয়াৰাই লিখিছিল, "আমাৰ জীৱনৰ আটাইতকৈ ডাঙৰ উপহাৰ। অতি সোনকালে আহি আছে।"

অৱশেষত ১৫ জুলাইত সিদ্ধাৰ্থ-কিয়াৰা এগৰাকী মৰমলগা কন্যা সন্তানৰ পিতৃ মাতৃ হ'ল।