ডিজিটেল ডেস্ক: ৰেলৰ দুৱাৰমুখত হাত দাঙি যুৱতীগৰাকী, পিছফালে দৌৰিছে ডেলিভাৰী বয়- Sahilarioussss নামৰ এজন টুইটাৰ ব্যৱহাৰকাৰীয়ে পোষ্ট কৰা ৭ ছেকেণ্ডৰ ভিডিঅ’টোৱে নিশ্চয় আপোনাক দিলৱালে দুলহানিয়া লে জায়েংগে ছবিখনৰ ৰে’ল ধৰাৰ দৃশ্যটোৰ কথা মনত পেলাব। হয় এনে এটা নতুন ভিডিঅ’ই ইণ্টাৰনেটত ধুমুহাৰ সৃষ্টি কৰিছে। এটা ডেলিভাৰী কোম্পানীৰ এজন কৰ্মচাৰীয়ে অতি ফিল্মীভাৱে সামগ্ৰী ডেলিভাৰী কৰা দেখা গ’ল। চলন্ত ৰে’লখনৰ সৈতে সমানে দৌৰি গৈ তেওঁ এজন যাত্ৰীৰ হাতত সামগ্ৰী যোগান ধৰিলে।
ভিডিঅ’টোত ডেলিভাৰী এজেণ্টজনে চলন্ত ৰে’লৰ দুৱাৰমুখত থিয় হৈ থকা এগৰাকী মহিলাৰ ফালে দৌৰি যোৱা দেখা গৈছে। ভিডিঅ’টোত দেখুওৱা ডেলিভাৰী এজেণ্টজনে যিমান পাৰে বেগেৰে দৌৰি পেকেজটো ডেলিভাৰী কৰিবলৈ যৎপৰোনাস্তি চেষ্টা কৰিছিল। দৌৰি থাকোঁতে ৰেলত উপস্থিত থকা মহিলাগৰাকীয়ে তেওঁক অতি সোনকালে আহিবলৈ কয়।
ভিডিঅ'টো দেখিলে এনে লাগে যেন ৰেলত বহি থকা যাত্ৰীগৰাকীয়ে কিছু বস্তু ডুনজো এপৰ সহায় লৈ আনিছিল। ডেলিভাৰী বয়জন ষ্টেচন পোৱাৰ লগে লগে তেওঁ দেখিলে যে ৰেলখন গুচি গৈছে। ইয়াৰ পিছত তেওঁ যৎপৰোনাস্তি চেষ্টা কৰে যে ৰে’লত থকা মহিলাগৰাকীক সামগ্ৰী যোগান ধৰিব লাগে। সামগ্ৰী ডেলিভাৰী কৰাৰ ক্ষমতা প্ৰদৰ্শন কৰিলে ডেলিভাৰী জনে। শেষত তেওঁ টোপোলাটো ডেলিভাৰী কৰিবলৈ সক্ষম হয়।
৬০০ৰো অধিক লাইক আৰু বহু কমেন্টৰ সৈতে ২৩ হাজাৰৰো অধিক বাৰ চোৱা হৈছে এই ভিডিঅ’টো। ছ’চিয়েল মিডিয়া ব্যৱহাৰকাৰীসকলে লোকজনৰ প্ৰচেষ্টা আৰু নিষ্ঠাক প্ৰশংসা কৰে। Sahilarioussss এ তেওঁৰ ভিডিঅ’টোৰ সৈতে কেপচনত লিখিছে, ‘এয়া আমাৰ আধুনিক যুগৰ শ্বাহৰুখ, এই ডেলিভাৰী বয়জনক চেলুট।’
ভিডিঅ’টো ভাইৰেল হোৱাৰ পিছতে বিভিন্ন ধৰণৰ প্ৰতিক্ৰিয়া দি আছে বিভিন্ন লোকে।দিনে-নিশাই জীৱিকাৰ বাবে কাম কৰা ডেলিভাৰী কৰ্মী সকলক ছচিয়েল মিডিয়াত শলাগ লৈছে।
Continue Reading
